ମୁମ୍ବାଇ: ବଲିଉଡ଼ ଅଭିନେତ୍ରୀ ଜ୍ୟାକ୍ଲିନ୍ ଫର୍ଣ୍ଣାଣ୍ଡିଜ୍ଙ୍କ ସମସ୍ୟା ବଢିଛି। ସୁକେଶ ଚନ୍ଦ୍ରଶେଖର ବେଆଇନ ଅର୍ଥ କାରବାର ମାମଲାରେ ପ୍ରବର୍ତ୍ତନ ନିର୍ଦେଶାଳୟ ଦ୍ବାରା ଦାଖଲ କରାଯାଇଥିବା ଚାର୍ଜସିଟରେ ଜ୍ୟାକ୍ଲିନ୍ଙ୍କୁ ଦୋଷୀ ଭାବେ ନାମିତ କରାଯାଇଛି।
ଇଡି କହିବାନୁଯାୟୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ପୂର୍ବରୁ ଜାଣିଥିଲେ ଯେ ଠକ ସୁକେଶ ଜଣେ ଅପରାଧୀ। ଅଭିନେତ୍ରୀ ଏହା ମଧ୍ୟ ଜାଣିଥିଲେ ଯେ, ସୁକେଶ ବେଆଇନ ଭାବେ ବଳ ପୂର୍ବକ ଟଙ୍କା ଆଦାୟ କରେ। ଏହି କାରଣରୁ ଇଡି ଜ୍ୟାକଲିନଙ୍କ ଉପରେ ଚାପ ପକାଇଛି। ତେବେ ଜ୍ୟାକ୍ଲିନ୍ଙ୍କୁ ଏପର୍ଯ୍ୟନ୍ତ ଗିରଫ କରାଯାଇ ନାହିଁ। କାରଣ ଅଦ୍ୟାବଧି କୋର୍ଟ ଚାର୍ଜସିଟ୍ ଗ୍ରହଣ କରିନାହାଁନ୍ତି। କିନ୍ତୁ ଜ୍ୟାକଲିନଙ୍କୁ ଦେଶ ବାହାରକୁ ଯାତ୍ରା କରିବାକୁ ଅନୁମତି ଦିଆଯିବ ନାହିଁ।
ସୂଚନାଯୋଗ୍ୟ, ସୁକେଶ ଚନ୍ଦ୍ରଶେଖର ୨୧୫ କୋଟି ଟଙ୍କା ବଳ ପୂର୍ବକ ଆଦାୟ କରିଥିବା ଅଭିଯୋଗ ହୋଇଥିଲା। ମାମଲାର ଅନୁସନ୍ଧାନରୁ ଜଣାପଡିଛି ଯେ, ସୁକେଶ ଜ୍ୟାକଲିନଙ୍କୁ ଅନେକ ମହଙ୍ଗା ଉପହାର ଦେଇଛନ୍ତି। ଏହା ପରେ ଇଡି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ୭ କୋଟି ଟଙ୍କା ମୂଲ୍ୟର ସମ୍ପତ୍ତି ମଧ୍ୟ ଜବତ କରିଛି। ଚାର୍ଜସିଟରେ ଏହା ମଧ୍ୟ ଲେଖାଅଛି ଯେ, ସୁକେଶ ଚନ୍ଦ୍ରଶେଖରଙ୍କ ସହଯୋଗୀ ପିଙ୍କି ଇରାନୀ ସୁକେଶଙ୍କୁ ଜ୍ୟାକଲିନଙ୍କ ସହ ଭେଟ କରାଇଥିଲେ। ଏବଂ ସୁକେଶ ପିଙ୍କି ଇରାନୀଙ୍କ ମାଧ୍ୟମରେ ଜ୍ୟାକଲିନଙ୍କୁ ମହଙ୍ଗା ଉପହାର ଏବଂ ନଗଦ ଟଙ୍କା ଦେଉଥିଲେ।
Comments are closed.