ଜି.ଉଦୟଗିରି: ରାଜ୍ୟ ଆୟକର ବିଭାଗ କମିଶନରଙ୍କ ନିର୍ଦ୍ଦେଶକ୍ରମେ ବ୍ରହ୍ମପୁର ଜୋନ ଡେପୁଟି ଇନକମ ଟ୍ୟାକ୍ସ ତଥା ଜିଏସଟି ଏନଫୋର୍ସମେଣ୍ଟ କମିଶନର ତପନ ବିମଲଙ୍କ ନେତୃତ୍ବରେ ଏକ ୧୦ ଜଣିଆ ଟିମ୍ ବୁଧବାର ଜି.ଉଦୟଗିରିର ମୃଦୁ ପାନୀୟ ଗୋଦାମରେ ଚଢ଼ାଉ କରିଛନ୍ତି। ଜୈନିକ ବ୍ୟବସାୟୀଙ୍କ ବନ୍ଧଛକ ସ୍ଥିତ ଗୋଦାମ ସମେତ ଏକ କାଳୀନ ୮ଟି ଗୋଦାମରେ ଅତର୍କିତ ଚଢାଉ କରାଯାଇଛି। ଗୋଦାମଗୁଡିକରେ ଚଢାଉ କରି ଷ୍ଟକ ଥିବା ମୃଦୁ ପାନୀୟର ମାନ ଓ ବୈଧତା ଯାଞ୍ଚ କରିବା ସହ ଗଣନା ମଧ୍ୟ କରିଥିବା ଜଣାପଡିଛି। ମୃଦୁ ପାନୀୟର ବୈଧତା ଓ ଟିକସରେ ଅନିୟମିତତା ନେଇ ଅଭିଯୋଗ ଆସିବା ପରେ ଏହି ଚଢାଉ ହୋଇଥିବା ଜଣାପଡିଛି। ଏଥିରେ ଡେପୁଟି କମିଶନରଙ୍କ ସମେତ ୪ ଜଣ ଆୟକର ବିଭାଗ କର୍ମଚାରୀ ଓ ୫ ଜଣ ପୁଲିସ କର୍ମଚାରୀ ସାମିଲ ଥିଲେ।
Popular Categories
Previous article
Next article