ନୂଆଦିଲ୍ଲୀ: ଇସ୍ରାଏଲର ବାୟୁସେନା ଶନିବାର ଗାଜାରେ ଆକ୍ରମଣ କରିଛି। ଗାଜାର ବେଟ୍ ଲାହିଆ ସହରରେ ଏହି ଆକ୍ରମଣ ହୋଇଥିବାବେଳେ ଏଥିରେ ୯ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ମୃତକଙ୍କ ମଧ୍ୟରେ ଦୁଇ ଜଣ ସାମ୍ବାଦିକ ଥିବା ଜଣାପଡିଛି। ହମାସର ନେତାମାନେ ଯୁଦ୍ଧ ବିରାମକୁ ନେଇ କାଥାବାର୍ତ୍ତା ଚଳାଇଥିବାବେଳେ ଇସ୍ରାଏଲ ଏହି ଆକ୍ରମଣ କରିଛି। ଇସ୍ରାଏଲି ସେନା ଆକ୍ରମଣ ପାଇଁ ଏକ କାର୍ କୁ ଟାର୍ଗେଟ୍ କରିଥିଲା। କାର୍ ରେ କିଛି ଯାତ୍ରୀ ଥିବାରୁ ଆକ୍ରମଣରେ କାର ଭିତରେ ଏବଂ ଆଖପାଖ ଅଞ୍ଚଳରେ ଥିବା କିଛି ଲୋକ ମୃତାହତ ହୋଇଛନ୍ତି। ସ୍ଥାନୀୟ ଲୋକଙ୍କ କହିବା ମୂତାବକ କାରରେ ଥିବା ଲୋକମାନେ ଅଲ-ଖୈର ଫାଉଣ୍ଡେସନ ନାମକ ଏକ ସଂସ୍ଥାରେ କାମ କରୁଥିଲେ। ତାଙ୍କ ସହିତ କିଛି ସାମ୍ବାଦିକ ଏବଂ ଫଟ୍ରୋଗ୍ରାଫର ରହିଥିବା ସୂଚନା ମିଳିଛି। କିନ୍ତୁ ବର୍ତ୍ତମାନ ପର୍ଯ୍ୟନ୍ତ ଘଟଣାକୁ ନେଇ ଇସ୍ରାଏଲୀ ସେନା ଏପର୍ଯ୍ୟନ୍ତ କୌଣସି ମନ୍ତବ୍ୟ ଜାରି କରିନାହିଁ।
Comments are closed.