କଲକାତା : ପେସାଦାର ଫୁଟ୍ବଲ ଟୁର୍ଣ୍ଣାମେଣ୍ଟ ଇଣ୍ଡିଆନ୍ ସୁପର ଲିଗ୍ (ଆଇଏସ୍ଏଲ୍)ର ୫ମ ସଂସ୍କରଣ ଶନିବାର ଆରମ୍ଭ ହୋଇଛି। ସଲ୍ଟ ଲେକ୍ ଷ୍ଟାଡିୟମ୍ରେ ଉଦ୍ଘାଟନୀ ମ୍ୟାଚ୍ରେ ଘରୋଇ ଦଳ ୨ ଥରର ଚମ୍ପିଆନ୍ ଆଟ୍ଲେଟିକୋ ଡି କଲକାତା (ଏଟିକେ)କୁ ୨-୦ ଗୋଲ୍ରେ କେରଳ ବ୍ଲାଷ୍ଟର୍ସ ପରାସ୍ତ କରିଛି। ପ୍ରଥମାର୍ଦ୍ଧ ଗୋଲ୍ଶୂନ୍ୟ ରହିବା ପରେ କେରଳ ବ୍ଲାଷ୍ଟର୍ସ ପାଇଁ ସ୍ଲୋଭେନିଆର ଖେଳାଳି ମାତେଜ୍ ପୋପ୍ଲାଟ୍ନିକ ୭୭ ମିନିଟରେ ହେଡ୍କରି ପ୍ରଥମ ଗୋଲ୍ ଦେଇଥିଲେ। ସର୍ବିୟାର ଖେଳାଳି ସ୍ଲାଭିସା ଷ୍ଟୋୟାନୋଭିକ୍ ୮୬ ମିନିଟରେ ଜୋର୍ଦାର କିକ୍ମାରି ୨ୟ ଗୋଲ୍ ଦେଇଥିଲେ। ମ୍ୟାଚ୍ରେ ଏଟିକେ ଗୋଲ୍ଦେବାର ଏକାଧିକ ସୁଯୋଗ ପାଇଥିଲେ ହେଁ ଗୋଲ୍ ଦେଇ ପାରିନଥିଲା। ରବିବାର ବାଙ୍ଗାଲୋରରେ ଗତ ସିଜିନ୍ର ଚମ୍ପିଆନ୍ ଚେନ୍ନଇୟିନ୍ ଏଫ୍ସି ଓ ରନର୍ସଅପ୍ ବେଙ୍ଗାଲୁରୁ ଏଫ୍ସି ମଧ୍ୟରେ ମୁକାବିଲା ହେବ।
Popular Categories
Previous article
Next article