ଆଠଗଡ : ଆଠଗଡ ଇନରହ୍ୱିଲ କ୍ଲବର ଅଧିଷ୍ଠାନ ଉତ୍ସବ ଅନୁଷ୍ଟିତ ହୋଇଯାଇଛି । ଏହି ଅବସରରେ ନବ ନିର୍ବାଚିତ କର୍ମକର୍ତ୍ତା ପୁରାତନ କର୍ମକର୍ତ୍ତାଙ୍କଠାରୁ ଦାୟିତ୍ୱ ଗ୍ରହଣ କରିଥିଲେ । ପ୍ରାରମ୍ଭରେ ବିଦାୟୀ ସଭାନେତ୍ରୀ ନିରଜ ନଳିନୀ ବେହେରା ଇନରହ୍ୱିଲର ପ୍ରତିଷ୍ଠାତା ଓଲିଭ ଗୋଲ୍ଡିଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ସହିତ କ୍ଲବର ନୂତନ କର୍ମକର୍ତ୍ତାଙ୍କୁ ସ୍ୱାଗତ କରିଥିଲେ। ବରିଷ୍ଠ ସଦସ୍ୟା ସୁଷମା ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ବିଦାୟୀ ସଂପାଦିକା ରାଜେଶ୍ୱରୀ ଗୋସ୍ୱାମୀ ବିଗତ ବର୍ଷର କାର୍ଯ୍ୟକ୍ରମ ବିବରଣୀ ଉପସ୍ଥାପନ କରିଥିଲେ। ନବନିର୍ବାଚିତ ସଭାନେତ୍ରୀ ପୁଲିନ ମିଶ୍ର ଏବଂ ସଂପାଦିକା ଦୀପାଳି ଦାଶଙ୍କୁ ପୂର୍ବତନ ସଭାନେତ୍ରୀ ଶ୍ରୀମତୀ ବେହେରା ଓ ପୂର୍ବତନ ସଂପାଦିକା ଶ୍ରୀମତୀ ଗୋସ୍ୱାମୀ କ୍ଲବର ବ୍ୟାଜ୍ ପିନ୍ଧାଇବା ସହ ଦାୟିତ୍ୱ ହସ୍ତାନ୍ତର କରିଥିଲେ। ସେହିପରି ଆଇଏସଓ ଭାବେ ଜସ୍ମିନ ପଟ୍ଟନାୟକ କୋଷାଧ୍ୟକ୍ଷା ମନୋଜିନି ତ୍ରିପାଠୀ ଓ ସିସିସି ରୂପେ ମଞ୍ଜୁଲତା ମହାଳିକଙ୍କୁ ସର୍ବ ସମ୍ମତ କ୍ରମେ ମନୋନୀତ କରାଯାଇଥିଲା। ବରିଷ୍ଠ ସଦସ୍ୟା ମଞ୍ଜୁଳା ଦାସ ନୂତନ କର୍ମକର୍ତ୍ତାଙ୍କୁ ସ୍ୱାଗତ ଓ ପୂର୍ବତନ କର୍ମକର୍ତ୍ତାଙ୍କୁ ବିଦାୟୀ ସମ୍ବର୍ଦ୍ଧନା ଜ୍ଞାପନ କରିଥିଲେ। ସଦସ୍ୟା ସ୍ୱପ୍ନାରାଣୀ ବେହେରା, ପ୍ରଣତି ପଣ୍ଡା ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବାବେଳେ ପୂର୍ବତନ ସଭାନେତ୍ରୀ କଳ୍ପଲତା ଦାଶ ଧନ୍ୟବାଦ ଅର୍ପଣ କରିଥିଲେ।
Comments are closed.