ଜାକର୍ତ୍ତା: ଇଣ୍ଡୋନେସିଆରେ ହୋଇଥିବା ସୁନାମୀରେ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ସୂଚନା ଅନୁଯାୟୀ, ଏପର୍ଯ୍ୟନ୍ତ ସୁନାମୀରେ ୮୩୨ ଜଣଙ୍କ ମୃତ୍ୟୁ ଘଟିଥିବା ବେଳେ ୫୪୦ ଜଣ ଆହତ ହୋଇଛନ୍ତି ।
ସୂଚନାଯୋଗ୍ୟ, ଶୁକ୍ରବାର ଦିନ ଇଣ୍ଡୋନେସିଆରେ ୭.୫ ତୀବ୍ରତାର ଭୂକମ୍ପ ହୋଇଥିଲା ଓ ପରେ ୧.୫ ଉଚ୍ଚର ଜୁଆର ଆସିଥିଲା। ଏଥିରେ ଇଣ୍ଡୋନେସିଆର ପାଲୁ ସହର ସମ୍ପୂଣ୍ଣ ଧ୍ବଂସ ହୋଇଛି । ପାଲୁ ସହର ସମେତ ଅନ୍ୟାନ୍ୟ ଅଞ୍ଚଳରେ ଏପର୍ଯ୍ୟନ୍ତ ୮୩୨ ଜଣଙ୍କ ମୃତ୍ୟୁ ଘଟିଥିବା ବେଳେ ୫୪୦ ଜଣ ଆହତ ହୋଇଛନ୍ତି। ଉଦ୍ଧାର କାର୍ଯ୍ୟ ଜାରି ରହିଥିବାରୁ ମୃତାହତଙ୍କ ସଂଖ୍ୟା ବଢ଼ିପାରେ ବୋଲି କୁହାଯାଉଛି। ଅନେକ ଲୋକ ନିଖୋଜ ଅଛନ୍ତି। ବହୁ କୋଠାଘର ଭୁଶୁଡ଼ି ପଡ଼ିଛି। ବିଭିନ୍ନ ଡାକ୍ତରଖାନାରେ ଗୁରୁତରଙ୍କ ସଂଖ୍ୟା ବଢ଼ିବାରେ ଲାଗିଛି। ଚିକିତ୍ସା ଲାଗି ଡାକ୍ତରଖାନା ବାହାରେ ଭିଡ଼ ଜମିଛି।
- Advertisement -
