ଷ୍ଟେଜ ସୋ’ରେ ଅଘଟଣ, ଷ୍ଟେଜରୁ ଖସିପଡି ଭାରତୀୟ ସିଇଓ ମୃତ

ଡେସ୍କ: ବହୁରାଷ୍ଟ୍ରୀୟ ଆମେରିକୀୟ ସଫ୍ଟୱେର୍ କମ୍ପାନୀର ପରିଚାଳନା ନିର୍ଦ୍ଦେଶକ (ସିଇଓ) ସଞ୍ଜୟ ଶାହା ହାଇଦ୍ରାବାଦର ରାମୋଜି ଫିଲ୍ମ ସିଟିରେ କମ୍ପାନୀର ରୌପ୍ୟ ଜୟନ୍ତୀ ଉତ୍ସବର ଏରିଏଲ୍ ସୋ ସମୟରେ ଷ୍ଟେଜରୁ ଖସିପଡି ମୃତ୍ୟୁ ବରଣ କରିଛନ୍ତି। ଏକ ଭିଡିଓରେ ଦର୍ଶାଯାଇଛି ଯେ ସେ ଉପରୁ ତଳକୁ ଏକ ଲୁହା ତିଆରି ଷ୍ଟେଜରେ ଆସୁଥିବା ବେଳେ ହଠାତ ତାହା ଛିଡି ପଡିବା ଫଳରେ ସେ ତଳେ ପଡି ଯାଇଥିଲେ ଓ ତାଙ୍କର ମୃତ୍ୟୁ ଘଟିଥିଲା।

ଷ୍ଟେଜ ସୋ’ରେ ଅଘଟଣ, ଲୁହ ଷ୍ଟେଜରୁ ଖସିପଡି ଭାରତୀୟ ସିଇଓ ମୃତ pic.twitter.com/Df9AziZEpw

— Samaja Live (@samajalive) January 21, 2024

ଭେଷ୍ଟେକ୍ସ ଏସିଆର ପ୍ରତିଷ୍ଠାତା ୫୬ ବର୍ଷୀୟ ସଞ୍ଜୟ ଶାହା ଏବଂ ତାଙ୍କ ସହକର୍ମୀ ୫୨ ବର୍ଷୀୟ ବିଶ୍ୱନାଥ ରାଜ ଦତ୍ତଲା ଏକ ଲୁହା ତିଆରି କ୍ଷୁଦ୍ର କୋଠରୀରେ ଥିଲେ, ଯାହା ଏରିଏଲ୍ ସୋ ସମୟରେ ଉପରୁରୁ ତଳକୁ ଖସିବାକୁ ଥିଲା। କିନ୍ତୁ ସେହି ଲୁହା ତିଆରି କ୍ଷୁଦ୍ର କୋଠରୀ ବନ୍ଧା ଯାଇଥିବା ଲୁହା ଚେନ୍ ଗୋଟିଏ ପଟୁ ଛିଡି ଯିବାରୁ ଉଭୟ ତଳେ ପଡିଯାଇଥିଲେ।

୨ ଆଇଜିଙ୍କ ସମେତ ୨୦ ପୁଲିସ ଅଧିକାରୀ ପାଇବେ ରାଜ୍ୟପାଳ ପଦକ

ଶାହାଙ୍କ ଗୋଡ ଏବଂ ହାତରେ ଆଘାତ ଲାଗିଥିବା ବେଳେ ଦତ୍ତଲାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଉଭୟଙ୍କୁ ତୁରନ୍ତ ମାକ୍ସି କ୍ୟୁୟୋର ହସ୍ପିଟାଲକୁ ନିଅ ଯାଇଥିଲା ଓ ପରେ ଉନ୍ନତ ଚିକିତ୍ସା ପାଇଁ ଯଶୋଦା ହସ୍ପିଟାଲକୁ ନିଆଯାଇଥିଲା। ତେବେ ଶ୍ରୀ ଶାହାଙ୍କ ଡାକ୍ତରଖାନାରେ ମୃତ୍ୟୁ ଘଟିଥିବା ବେଳେ ଦତ୍ତଲାଙ୍କ ଅବସ୍ଥା ଗୁରୁତର ରହିଛି। ଏହି ଘଟଣାରେ କାର୍ଯ୍ୟକ୍ରମ ପରିଚାଳନା ଦାୟିତ୍ୱ ନେଇଥିବା ସଂସ୍ଥା ବିରୋଧରେ ଏତଲା ଦାୟର କରାଯାଇଛି ଓ ପୁଲିସ ଘଟଣାର ତଦନ୍ତ କରୁଛି।