ଲାହୋର ବିସ୍ଫୋରଣରେ ହାତ ଥିବା ଇମ୍ରାନଙ୍କ ଅଭିଯୋଗକୁ ଖଣ୍ଡନ କଲା ଭାରତ
ଲାହୋର ବିସ୍ଫୋରଣ ଘଟଣାରେ ଭାରତର ହାତ ଥିବା ନେଇ ଇମ୍ରାନ ଖାନଙ୍କ ଅଭିଯୋଗର ଜବାବରେ ଭାରତ କହିଛି ଯେ, ପାକିସ୍ତାନ ନିଜ ଘରକୁ ସଜାଡ଼ିବା ଉଚିତ୍ ଏବଂ ସେଠାରୁ ସୃଷ୍ଟି ହେଉଥିବା ଆତଙ୍କବାଦ ବିରୋଧରେ ପାକିସ୍ତାନ କାର୍ଯ୍ୟ କରିବା ଉଚିତ। ବୈଦେଶିକ ବ୍ୟାପାର ମନ୍ତ୍ରଣାଳୟ ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ ପାକିସ୍ତାନ ଭାରତ ପ୍ରତି ଆଙ୍ଗୁଳି ନିର୍ଦ୍ଦେଶ କରିବା ପୂର୍ବରୁ ନିଜ ଘର ସଜାଡ଼ିବା ଆବଶ୍ୟକ ଏବଂ ଆତଙ୍କବାଦୀଙ୍କ ସୁରକ୍ଷିତ ଅଭୟାରଣ୍ୟ ପାଲଟିଥିବା ପାକିସ୍ତାନ ଆତଙ୍କବାଦୀଙ୍କ ବିରୋଧରେ ବିଶ୍ୱସନୀୟ ତଥା ଯାଞ୍ଚଯୋଗ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବା ଭଲ ହେବ। । ଭାରତ କହିଛି ଯେ ପାକିସ୍ତାନ ଆତଙ୍କବାଦ ସମ୍ପର୍କରେ ବିଶ୍ୱ ଅବଗତ ଅଛି।
ଆତଙ୍କବାଦକୁ ନେଇ ପାକିସ୍ତାନର ପରିଚୟ ବିଷୟରେ ଅନ୍ତର୍ଜାତୀୟ ସମ୍ପ୍ରଦାୟ ଭଲଭାବେ ଜାଣିଛି। ଏହାକୁ ସେଠାକାର ନେତୃତ୍ୱ ବ୍ୟତୀତ ଅନ୍ୟ କେହି ସ୍ୱୀକାର କରିନାହାଁନ୍ତି। ସେ ଭାରତ ଏବଂ ପାକିସ୍ତାନ ମଧ୍ୟରେ ହୋଇଥିବା ଆଲୋଚନାର ବିବରଣୀକୁ ସାର୍ବଜନୀନ କରିଛନ୍ତି ଓ କହିଛନ୍ତି ଯେ ବୈଠକରେ ପାକିସ୍ତାନ ଦ୍ୱାରା ଭାରତ ବିଷୟରେ ଭୁଲ ଧାରଣାକୁ ସଂଶୋଧନ କରିବାକୁ କହିଛି।
ସେ କହିଛନ୍ତି, ଏହି ବୈଠକରେ ବିଭିନ୍ନ ପ୍ରସଙ୍ଗରେ ଆଲୋଚନା କରାଯାଇଥିଲା। ଆମ ରାଷ୍ଟ୍ରଦୂତ ଭାରତ ବିଷୟରେ ଥିବା ଭୁଲ ଧାରଣାକୁ ସଂଶୋଧନ କରିବାର ଆବଶ୍ୟକତା ଜଣାଇଛନ୍ତି। ଏଥିସହ ସେ କହିଛନ୍ତି ଯେ ଭାରତର ଆଭ୍ୟନ୍ତରୀଣ ବ୍ୟାପାରରେ ମୁଣ୍ଡ ଖେଳାଇବା ପାକିସ୍ତାନ ବନ୍ଦ କରିବା ଆବଶ୍ୟକ।
