ସମ୍ବଲପୁର : ଫିଟନେସକୁ ପ୍ରୋତ୍ସାହନ ଓ ଏକ ସୁସ୍ଥ ଜୀବନଶୈଳୀର ମହତ୍ୱ ଉପରେ ସଚେତନତା ସୃଷ୍ଟି କରିବା ପାଇଁ ଫିଟ୍ ଇଣ୍ଡିଆ ମିଶନ, ଉତ୍ସାହଜନକ ଫିଟନେସ ଅଭିଯାନ ଜାରି ରହିଛି । ଫିଟନେସ ଓ ପରିଷ୍କାର ପରିଚ୍ଛନ୍ନତାର ନିଆରା ମିଶ୍ରଣରେ ଡାକ ବିଭାଗ ପକ୍ଷରୁ ଏକ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ସମ୍ବଲପୁର ଡାକ ମଣ୍ଡଳର ଅଧିକ୍ଷକ ବି. ବି. ନେଗି ଓ ସମ୍ବଲପୁରର ଡାକ ଅଞ୍ଚଳର ସହକାରୀ ନିର୍ଦ୍ଦେଶକ ଯାଦବୱର ଗାରନାୟକଙ୍କ ନେତୃତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଡାକ କର୍ମଚାରୀ ମାନେ ସକ୍ରିୟ ରୂପେ ଅଂଶଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ ସମ୍ବଲପୁରର କଚେରୀ ଛକ ନିକଟସ୍ଥ ଡାକ ବିଭାଗର ମଣ୍ଡଳ କାର୍ଯ୍ୟାଳୟରୁ ଏକ ଫ୍ରିଡମ ରନ୍ ବାହାରି କଚେରୀ ଛକ, ଶହୀଦ ସ୍ତମ୍ଭ ଦେଇ ଚାଉଁରପୁର ପେଟ୍ରୋଲ ପମ୍ପ ପର୍ଯ୍ୟନ୍ତ ଯାଇଥିଲା। ଏହି ଅବସରରେ ଜନସଚେତନତା ସୃଷ୍ଟି ସହିତ ସ୍ୱଚ୍ଛତା ଉପରେ ଜୋର ଦିଆଯାଇଥିଲା। ଏଭଳି ପଦକ୍ଷେପ କେବଳ ଶାରିରୀକ ସୁସ୍ଥତାକୁ ପ୍ରୋତ୍ସାହିତ କରେ ନାହିଁ ବରଂ ସ୍ୱଚ୍ଛ ଭାରତ ଅଭିଯାନର ଲକ୍ଷ୍ୟକୁ ମଧ୍ୟ ପ୍ରୋତ୍ସାହିତ କରିଥାଏ ବୋଲି ଡାକ ବିଭାଗ ପକ୍ଷରୁ କୁହାଯାଇଛି।
Popular Categories
Previous article
Next article