ନୂଆଦିଲ୍ଲୀ : ଭାରତ ଓ ଚୀନ ସୀମାର ଦେପ୍ସାଙ୍ଗ ଓ ଡେମଚୋକ ଅଞ୍ଚଳରୁ ଉଭୟ ଦେଶ ନିଜର ସୈନ୍ୟ ପ୍ରତ୍ୟାହାର ସହିତ ସେନା ଶିବିର ଉଚ୍ଛେଦ କାର୍ଯ୍ୟ ପ୍ରାୟତଃ ଶେଷ କରିଛନ୍ତି। ପୂର୍ବ ଲଦାଖର ବାସ୍ତବ ନିୟନ୍ତ୍ରଣ ରେଖା (ଏଲଏସି)ରେ ଅବସ୍ଥିତ ଏହି ଦୁଇ ବିବାଦୀୟ ଅଞ୍ଚଳରୁ ଶିବିର ଉଚ୍ଛେଦ କାର୍ଯ୍ୟ ଶେଷ ପରେ ଏହାର ମିଳିତ ଯାଞ୍ଚ କରାଯାଇଛି। ପାରସ୍ପରିକ ବିଶ୍ବାସ ଆଧାରରେ ଉଭୟ ଦେଶର ସେନା ନିଜର ସୈନ୍ୟଙ୍କୁ ପ୍ରତ୍ୟାହାର କରିବା ସହିତ ଶିବିରଗୁଡିକୁ ଉଠାଇ ନେଇଛନ୍ତି। ଅକ୍ଟୋବର ୨୧ରେ ହୋଇଥିବା ବୁଝାମଣା ଆଧାରରେ ଦୁଇଦେଶ ନିଜର ସୈନ୍ୟକୁ ପ୍ରତ୍ୟାହାର କରିଛନ୍ତି। ଏବେ ଏଠାରେ ଦୁଇଦେଶ ମିଳିତ ଭାବେ ପାଟ୍ରୋଲିଂ କରିବେ। ୨୦୨୦ ଏପ୍ରିଲରେ ଏଠାରେ ଯେଉଁ ପରିସ୍ଥିତି ରହିଥିଲା ତାକୁ ବଜାୟ ରଖାଯିବ। ମିଳିତ ପାଟୋଲିଂ ଲାଗି ଉଭୟ ଦେଶର ସ୍ଥାନୀୟ କମାଣ୍ଡର ପ୍ରତିଦିନ ସକାଳେ ହଟ୍ଲାଇନ ଯୋଗେ କଥାବାର୍ତ୍ତା କରି ସମନ୍ବିତ ଯୋଜନା ପ୍ରସ୍ତୁତ କରିବେ। ଏହା ସହିତ ଦୁଇଦିନରେ ଥରେ ଉଭୟ ଦେଶର କମାଣ୍ଡର ନିର୍ଦ୍ଦିଷ୍ଟ ସ୍ଥାନରେ ବସି ବୈଠକ କରିବେ। ବୈଠକରେ ସୀମା ସ୍ଥିତିର ସମୀକ୍ଷା କରାଯିବ। ଗଲୱାନ ଅଞ୍ଚଳର ୪ଟି ବଫର ଜୋନ୍ରେ ଲାଗି ରହିଥିବା ବିବାଦ ଉପରେ କୌଣସି ଆଲୋଚନା ହୋଇନାହିଁ। ଦେପ୍ସାଙ୍ଗ ଓ ଡେମଚୋକ୍ର ପାଟ୍ରୋଲିଂ କାର୍ଯ୍ୟ ସଫଳ ହେବା ପରେ ଗଲୱାନ ପରିସ୍ଥିତି ବାବଦରେ ଆଲୋଚନା କରାଯିବ।
Popular Categories
Previous article
Next article