ନୂଆଦିଲ୍ଲୀ: ଆଜିଟୁ ଟି-୨୦ ବିଶ୍ୱକପରେ ଆରମ୍ଭ ହେଉଛି ସୁପର-୮ ମୁକାବିଲା। ସୁପର-୮ ରାଉଣ୍ଡର ପ୍ରଥମ ମ୍ୟାଚରେ ଭାରତ-ଆଫଗାନିସ୍ତାନକୁ ମଧ୍ୟରେ ମୁକାବିଲା ହେବାକୁ ଯାଉଛି। ଆଜି ସନ୍ଧ୍ୟାରେ କେନସିଙ୍ଗଟନ୍ ଓଭାଲ ଗ୍ରାଉଣ୍ଡରେ ଏହି ମ୍ୟାଚ ଖେଳାଯିବ। ତେବେ ସୁପର-୮ର ସୁପର ମୁକାବିଲାରେ ବିଜୟ ସହିତ ସେମିଫାଇନାଲରେ ସ୍ଥାନ ମଜବୁତ କରିବାକୁ ପ୍ରୟାସ କରିବେ ରୋହିତବାହିନୀ। ହେଲେ ଆଜିର ମ୍ୟାଚରେ ବି ବର୍ଷା ବାଧକ ସାଜିପାରେ। ଓଭାଲ୍ ଗ୍ରାଉଣ୍ଡରେ ପିଚ୍ ଉଭୟ ବ୍ୟାଟିଂ ଓ ବୋଲିଂ ପାଇଁ ସୁହାଇବ ବୋଲି କୁହାଯାଉଛି। ପେସ୍ ବୋଲରଙ୍କୁ ଏଠାରେ ସ୍ୱିଇଂ ମିଳିବ। ୱେଷ୍ଟଇଣ୍ଡିଜରେ ସ୍ପିନ୍ ବୋଲର ସବୁବେଳେ ବ୍ୟାଟରଙ୍କ ପାଇଁ ସମସ୍ୟା ସୃଷ୍ଟି କରିଥାନ୍ତି। ପୂର୍ବରୁ ଉଭୟ ଭାରତ ଓ ଆଫଗାନିସ୍ତାନ ମଧ୍ୟରେ ମୋଟ ୮ଟି ଟି-୨୦ ମୁକାବିଲା ଖେଳାଯାଇଛି। ଯେଉଁଥିରେ ୭ଟିରେ ଭାରତ ବିଜୟ ହାସଲ କରିଥିଲା।
Popular Categories
Previous article
Next article