ଚମକିଲେ ଜାଡ଼େଜା ଓ ଅଶ୍ବିନ : ମୋହାଲି ଟେଷ୍ଟରେ ଭାରତର ସ୍କୋର ୫୫୦ ଟପିଲା
ମୋହାଲି : ଭାରତ-ଶ୍ରୀଲଙ୍କା ମଧ୍ୟରେ ଏଠାରେ ଚାଲିଥିବା ପ୍ରଥମ ଟେଷ୍ଟର ଦ୍ବିତୀୟ ଦିନରେ ରବୀନ୍ଦ୍ର ଜାଡ଼େଜା ଓ ରବି ଚନ୍ଦ୍ରନ ଅଶ୍ବିନଙ୍କ ଚମତ୍କାର ବ୍ୟାଟିଂ ବଳରେ ଭାରତ ଏକ ବଡ଼ ସ୍କୋର କରିବାକୁ ସକ୍ଷମ ହୋଇଛି।
ପ୍ରଥମ ଟେଷ୍ଟର ଦ୍ୱିତୀୟ ଦିନରେ ରବୀନ୍ଦ୍ର ଜାଡ଼େଜାଙ୍କ ଶତକ ଓ ଅଶ୍ବିନଙ୍କ ୬୧ ରନ ବଳରେ ଭାରତ ୮ ୱିକେଟ ହରାଇ ୫୫୨ ରନ ସଂଗ୍ରହ କରିଛି । ୨୧୯ ବଲରେ ଜାଡ଼େଜା ୧୬୨ ରନ କରି ଅପରାଜିତ ଅଛନ୍ତି । ୮୨ ବଲରେ ୬୧ ରନ କରି ଅଶ୍ବିନ ଆଉଟ ହୋଇଛନ୍ତି। ଭାରତ ଶନିବାର ୩୫୭/୬ ରୁ ଖେଳ ଆରମ୍ଭ କରିଥିଲା।
ମ୍ୟାଚ ଅବସରରେ ଅଷ୍ଟ୍ରେଲିଆର ଦୁଇ ପ୍ରସିଦ୍ଧ କ୍ରିକେଟର ରଡନି ମାର୍ଶ ଓ ସେନ୍ ୱର୍ଣ୍ଣଙ୍କ ପରେଲୋକରେ ଶ୍ରଦ୍ଧାଞ୍ଜଳି ଜଣାଇ ଉଭୟ ଦଳର ଖେଳାଳୀମାନେ ନିରବ ପ୍ରାର୍ଥନା କରିଥିଲେ।
Comments are closed.