ନୂଆଦିଲ୍ଲୀ : ଆର୍ଥିକବର୍ଷ ୨୦୧୯-୨୦ ଲାଗି ପରିବର୍ତ୍ତିତ ଆୟକର (ଆଇଟି) ରିଟର୍ଣ୍ଣ ଫର୍ମ ଆଣିବା ଲାଗି ଆୟକର ବିଭାଗ ପକ୍ଷରୁ ଘୋଷଣା କରାଯାଇଛି। କୋଭିଡ୍ -୧୯ ପାଇଁ ସରକାର ରିଟର୍ଣ୍ଣ ଦାଖଲ କରିବାର ସମୟସୀମାକୁ ବଢ଼ାଇ ଦେଇଛନ୍ତି । ଏହାକୁ ଆଧାର କରି ବିଭାଗ ପକ୍ଷରୁ ସଂଶୋଧିତ ଫର୍ମ ଜାରି କରାଯିବ ବୋଲି ରବିବାର ସୂଚନା ଦିଆଯାଇଛି। ୨୦୧୯-୨୦ର ନୂଆ ଆଇଟି ରିଟର୍ଣ୍ଣ ଫର୍ମ ନେଇ ଚଳିତମାସ ଶେଷ ସୁଦ୍ଧା ବିଜ୍ଞପ୍ତି ଜାରି କରାଯିବ । ଟିକସ ଏବଂ ଅନ୍ୟ ଆଇନ ୨୦୨୦ ଅଧ୍ୟାଦେଶ ଦ୍ୱାରା ସରକାର ଆୟକର ଆଇନ ୧୯୬୧ ଅଧୀନରେ ବିଭିନ୍ନ ରିଟର୍ଣ୍ଣ ଦାଖଲ ଅବଧିକୁ ବଢାଇ ଦେଇଛନ୍ତି। ଜୁନ ୩୦ ଯାଏ ବିଭିନ୍ନ ବର୍ଗରେ ରିଟର୍ଣ୍ଣ ଦାଖଲ ସୁବିଧା ଉପଲବ୍ଧ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।
Comments are closed.