କରୋନା ଆତଙ୍କରୁ ବର୍ତ୍ତି ପାରିନାହାନ୍ତି ସ୍ବୟଂ ଶିବ ଶଙ୍କର, ଧାରଣ କରିଛନ୍ତି ମାସ୍କ…. ଦେଖନ୍ତୁ ଫଟୋ

ବାରାଣସୀ: ମହାମାରୀ ରୂପ ଧାରଣ କରିଥିବା କରୋନା ଭାଇରସ୍ ବିଶ୍ବବ୍ୟାପୀ ଆତଙ୍କ ସୃଷ୍ଟି କରିଛି। ଏଥିରୁ ବର୍ତ୍ତିବା ପାଇଁ ମାସ୍କ ଏବଂ ସାନିଟାଇଜର ବ୍ୟବହାର କରିବା ପାଇଁ ଲୋକଙ୍କୁ ପରାମର୍ଶ ଦିଆଯାଉଛି। ଏଭଳି ଏକ ବିପଦସଙ୍କୁଳ ପରିସ୍ଥିତିରେ କରୋନାରୁ ଆତଙ୍କରୁ ବର୍ତ୍ତି ପାରିନାହାନ୍ତି ସ୍ବୟଂ ଭଗବାନ। ସାଧାରଣ ଲୋକଙ୍କ ଭଳି ଶିବ ଶଙ୍କର ମଧ୍ୟ ମାସ୍କ ବ୍ୟବହାର କରିଛନ୍ତି। ଏଭଳି ଏକ ରୋଚକ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଦେଖିବାକୁ ମିଳିଛି ଶିବଲିଙ୍ଗରେ ମାସ୍କ ପିନ୍ଧା ଯାଇଛି।

ପ୍ରକୃତରେ ବାରାଣାସୀର ଏକ ମନ୍ଦିରରେ ପୁରୋହିତ ଶିବଲିଙ୍ଗ ଉପରେ ଏକ ମାସ୍କ ରଖିଛନ୍ତି। ଏହାକୁ ନେଇ ସେ କହିଛନ୍ତି ଯେ, କରୋନା ଭାଇରସ୍ ସାରା ଦେଶରେ ବ୍ୟାପିବାରେ ଲାଗିଛି। ଯେଉଁଭଳି ଦେବୀ-ଦେବତାଙ୍କୁ ବସ୍ତ୍ର ପରିଧାନ କରାଯାଏ, ଶୀତ ଋତୁରେ ଶୀତ ବସ୍ତ୍ର ଏବଂ ଗ୍ରୀଷ୍ମ ଋତୁରେ ଫ୍ୟାନ୍ ବା ଏସି ମନ୍ଦିରରେ ବ୍ୟବହାର କରାଯାଏ, ଠିକ୍ ସେହିପରି କରୋନା ସଂକ୍ରମଣକୁ ଏଡାଇବା ପାଇଁ ଭଗବାନଙ୍କୁ ମାସ୍କ ପିନ୍ଧାଯାଇଛି। ଏହା ସହ ମୂର୍ତ୍ତିଗୁଡ଼ିକୁ ଛୁଇଁବାକୁ ଲୋକମାନଙ୍କୁ ବାରଣ କରାଯାଇଛି । ଯାହାଦ୍ୱାରା କରୋନାଭାଇରସ୍ ବ୍ୟାପିବାରେ ରୋକା ଯାଇପାରିବ ବୋଲି ପୁରୋହିତ କହିଛନ୍ତି।

Varanasi:The ‘Shivling’ at Prahladeshwar temple have been covered with a mask&posters have been put up in temple appealing devotees to not touch the idols.A devotee says,”we are urging ppl not to touch the idols.If idols are touched,#coronavirus will spread & infect more people.” pic.twitter.com/c0ZTGjVtFM

— ANI UP (@ANINewsUP) March 10, 2020

ସେ କହିଛନ୍ତି ଯେ, ଆମେ ଲୋକଙ୍କୁ ଅନୁରୋଧ କରୁଛୁ ଯେ କୌଣସି ଇଶ୍ବରଙ୍କ ପ୍ରତିମୂର୍ତ୍ତିକୁ ସ୍ପର୍ଶ କରନ୍ତୁ ନାହିଁ। କାରଣ ଏହା ଦ୍ବାରା କରୋନା ବ୍ୟାପିବାର ଆଶଙ୍କା କରାଯାଉଛି। ଯଦି ଲୋକମାନେ ଏହି ପ୍ରତିମୂର୍ତ୍ତିକୁ ସ୍ପର୍ଶ କରନ୍ତି, ତେବେ କରୋନା ଭୂତାଣୁ ଅଧିକ ଲୋକଙ୍କୁ ସଂକ୍ରମିତ ହେବ।ଏହି ମନ୍ଦିରରେ ପୁରୋହିତ ଓ ଭକ୍ତମାନେ ସମସ୍ତ ମୁହଁରେ ମାସ୍କ ଧରି ପୂଜା କରୁଥିବା ଦେଖିବାକୁ ମିଳିଛି।