ହାଇଦ୍ରାବାଦ : ବୁଲା କୁକୁରର ଦଳ ଏକ ବର୍ଷର ଶିଶୁକୁ ଝୁଣି ଝୁଣି ଜୀବନ ନେଇ ଯାଇଛନ୍ତି। ଘଟଣା କ୍ରମେ ହାଇଦ୍ରାବାଦରେ ବୁଧବାର ବିଳମ୍ବିତ ରାତିରେ ଶିଶୁଟିର ବାପା ଓ ପରିବାରର ଅନ୍ୟ ସଦସ୍ୟ ଶମଶାବାଦରେ ନିଜ ଝୁମ୍ପୁଡି ଘରେ ଶୋଇଥିଲେ। ସେହି ସମୟରେ ଏହି ଘଟଣା ଘଟିଛି। ପୁଲିସ ଠାରୁ ମିଳିଥିବା ସୂଚନାନୁଯାୟୀ, ପିଲାଟି ଘରୁ କିଭଳି ବାହାରକୁ ଆସିଲା ତାହା ସ୍ପଷ୍ଟ ଭାବେ ଜଣାପଡି ନାହିଁ। ଜଣେ ବ୍ୟକ୍ତି ରାସ୍ତାରେ ଶିଶୁଟି ମୃତ ଅବସ୍ଥାରେ ପଡିଥିବା ଦେଖି ଥିଲେ। ବ୍ୟକ୍ତି ଜଣକ ରାସ୍ତାରେ ମୃତ ଶିଶୁ ନିକଟରେ ୬ଟି କୁୁକୁରକୁ ଦେଖି ପୁଲିସକୁ ଖବର ଦେଇଥିଲେ। ଶିଶୁଟିର ପିତା କୁକୁର କାମୁଡିବାରୁ ଶିଶୁର ମୃତ୍ୟୁ ହୋଇଛି ବୋଲି ପୁଲିସ ନିକଟରେ ଅଭିଯୋଗ କରିଛନ୍ତି। ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
Popular Categories
Previous article
Next article