ପାଟଣା : ଗତ ୨୦୧୫ରେ ଢେଙ୍କିକୋଟ ଫାଣ୍ଡି ଅନ୍ତର୍ଗତ ସାନ୍ତରାପୁର ଗ୍ରାମର କୌଶଲ୍ୟା ମହାନ୍ତ(୨୪) ଗୁଜରାଟ ରାଜ୍ୟ ଦ୍ୱାରକା ଜିଲ୍ଲା ଭାନବାଦ ଥାନା ଭାନାଭଡ ଗ୍ରାମର ହରେଶ ଭାଇ ରାଠୋର(୩୫)ଙ୍କୁ ବିବାହ କରିଥିବାବେଳେ ଗତ ରବିବାର ଗ୍ରାମକୁ ଫେରିଥିବା କୌଶଲ୍ୟା ଘଟଗାଁ ପୁଲିସ ନିକଟରେ ସ୍ଵାମୀଙ୍କ ବିରୋଧରେ ନିର୍ଯ୍ୟାତନା ଅଭିଯୋଗ ଆଣିଥିଲେ। ଫାଣ୍ଡି ଅଧିକାରୀ ସତ୍ୟନାରାୟଣ ପରିଡ଼ା ଘଟଣାର ତଦନ୍ତ କରିଥିଲେ। ପତ୍ନୀଙ୍କ ଚରିତ୍ରକୁ ସନ୍ଦେହ କରିବା, ପତ୍ନୀଙ୍କୁ ମାରଧର କରିବା, ଯୌତୁକ ନିର୍ଯ୍ୟାତନା ଦିଆଯିବା ସହ ଜୀବନରୁ ମାରିଦେବା ପାଇଁ ଧମକ ଦେଉଥିବା ଅଭିଯୋଗରେ ହରେଶ ଭାଇ ରାଠୋରଙ୍କୁ ଆଜି ସାନ୍ତରାପୁର ଗ୍ରାମରୁ ପୁଲିସ ଗିରଫ କରିଛି। ପତ୍ନୀଙ୍କ ସହ ଶ୍ଵଶୁର ଘରକୁ ଆସି ଜ୍ବାଇଁ ପତ୍ନୀକୁ ନିର୍ଯ୍ୟାତନା ଅଭିଯୋଗରେ ଗିରଫ ହେବା ଘଟଣା ଏଠାରେ ଚର୍ଚ୍ଚାର ପ୍ରସଙ୍ଗ ହୋଇଛି।
Comments are closed.