ଖାଦ୍ୟପାନୀୟ ଆଧାରରେ ଯେ ବିବାହ ବିଚ୍ଛେଦ ହେଉଛି, ସେ ବିଷୟରେ ଚିନ୍ତା କଲେ ବି ଆଶ୍ଚର୍ଯ୍ୟ ଲାଗୁଛି। ବ୍ରିଟିଶ୍ ଏଗ୍ କାଉନସିଲ୍ର ସଦସ୍ୟମାନେ ବର୍ଷକୁବର୍ଷ ଲୋକମାନଙ୍କ ମତାମତ ନେଇ ବିଭିନ୍ନ ପର୍ଯ୍ୟାୟରେ ଗବେଷଣା କରିଥାନ୍ତି। ୨୦୨୩ରେ ପ୍ରାୟ ୩ହଜାରରୁ ଅଧିକ ଲୋକଙ୍କୁ ସାମିଲ କରାଯାଇ ସେମାନଙ୍କ ମତ ନିଆଯାଇଥିଲା। କିଏ ଅଣ୍ଡା ପୋଚ୍ ଖାଇବାକୁ ପସନ୍ଦ କରୁଥିବା କହିଲେ ତ’ ଆଉ କିଏ ଭଜା/ଭୁଜିଆ ଅଣ୍ଡା ଖାଉଥିବା କହିଥିଲେ।
ଗବେଷକଦଳ ଏହି ବର୍ଗର ଲୋକଙ୍କୁ ଅନୁଧ୍ୟାନ କରି କହିଛନ୍ତି, ଏମାନେ ବେଶ୍ ଖୁସ୍ ମିଜାଜ୍ର। ମଜାର କଥା ହେଉଛି ଅଣ୍ଡା ପୋଚ୍ ଖାଉଥିବା ଲୋକମାନେ ପରିଶ୍ରମୀ ହେବା ସହିତ ସେମାନଙ୍କ ହଜମ କ୍ଷମତା ବି ଭଲ। ଅଣ୍ଡା ଓମଲେଟ୍ ଯୁବପିଢ଼ିଙ୍କ ବେଶୀ ପସନ୍ଦ। ବୟସ୍କମାନେ ପରିବା ମିଶା ଓମଲେଟ୍ ଖାଇବାକୁ ଆଗ୍ରହ ଦେଖାଉଥିବାବେଳେ ଏମାନେ ଏକ ଶୃଙ୍ଖଳିତ ଜୀବନ ଅତିବାହିତ କରିଥାନ୍ତି। ତେବେ, ମଜାର କଥା ହେଉଛି, ସିଝା ଅଣ୍ଡା ଖାଉଥିବା ଲୋକଙ୍କ ବୈବାହିକ ଜୀବନରେ ନିୟମିତ ଅଶାନ୍ତି ଉପୁଜିଥିବା କେତେଜଣ ଭୁକ୍ତଭୋଗୀ କହିଥିଲେ। ଏହି ବର୍ଗରେ ୪% ଲୋକଙ୍କ ବିଚ୍ଛେଦ ହୋଇଥିବା ମଧ୍ୟ ଅନୁଧ୍ୟାନରୁ ଜଣାପଡ଼ିଛି।
Comments are closed.