ନୂଆଦିଲ୍ଲୀ : ମଙ୍ଗଳଗ୍ରହର ଏକ ଫଟୋ ବର୍ତ୍ତମାନ ବୈଜ୍ଞାନିକମାନଙ୍କୁ ଚିନ୍ତାରେ ପକାଇବା ସହ ଆଶ୍ଚର୍ଯ୍ୟ କରିଛି। ଏହି ଫଟୋ ୟୁରୋପିଆନ୍ ସ୍ପେସ୍ ଏଜେନ୍ସୀ (ESA )ର ଏକ୍ସୋମାର୍ସ ଟ୍ରେସ୍ ଗ୍ୟାସ୍ ଅର୍ବିଟରରେ ଥିବା କଲର ଆଣ୍ଡ ଷ୍ଟେରିଓ ସରଫେସ୍ ଇମେଜିଂ ସିଷ୍ଟମ। ଉତ୍ତୋଳନ କରିଥିବା ସୂଚନା ମିଳିଛି। ଫଟୋରେ ଲକ୍ଷ ଲକ୍ଷ ବୁଢିଆଣୀ ନଜର ଆସିଛନ୍ତି। ଅନ୍ୟ ଗ୍ରହରେ ଜୀବନ ସମ୍ଭବ ହୋଇନଥିବା ବେଳେ ମଙ୍ଗଳ ଗ୍ରହର ଏହି ଫଟୋ ଚକିତ କରିଛି। ଏହି ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବା ସହ ଚର୍ଚ୍ଚାର କାରଣ ପାଲଟିଛି।
ବୈଜ୍ଞାନିକ ମାନେ ସାମ୍ନାକୁ ଆଣିଥିବା ତଥ୍ୟ ଅନୁଯାୟୀ, ବସନ୍ତ ଋତୁରେ ଯେତେବେଳେ ସୂର୍ଯ୍ୟଙ୍କ କିରଣ ମଙ୍ଗଳ ଗ୍ରହର ଦକ୍ଷିଣ ମେରୁରେ ପଡିଥାଏ, ଏଠାରେ ଜମା ହୋଇଥିବା କାର୍ବନ ଡାଇଅକ୍ସାଇଡ୍ ଏଭଳି ବୁଢିଆଣୀ ଆକାର ଧାରଣ କରି ଥାଏ। ପ୍ରତି ବର୍ଷ ଥଣ୍ଡା ଦିନ ପରେ ଏଭଳି ଦୃଶ୍ୟ ନଜର ଆସିଥାଏ। ସୂର୍ଯ୍ୟଙ୍କ କିରଣ ପଡିବା ପରେ ଏହା ଭୂମିରେ ସୃଷ୍ଟ ଫାଟ ଦେଇ ବାହାରକୁ ଆସି ପରେ ତରଳିବାରେ ଲାଗିଥାଏ। ଏହା ଦେଖିବାକୁ ବୁଢିଆଣୀ ଭଳି। ଲକ୍ଷ ଲକ୍ଷ ବୁଢିଆଣୀ ଚଟାଣରେ ଏକାସହ ଯିବା ଭଳି ଏହା ଦେଖାଯାଏ। ସୂର୍ଯ୍ୟକିରଣ କାରଣରୁ ଏହା ତରଳିଥାଏ। ଫଳରେ ଏହା ଚାଲୁଥିବା ଭଳି ଦୃଶ୍ୟମାନ ହୁଏ।
Comments are closed.