ୟୁପିଆଇ ପେମେଣ୍ଟ କରୁଥିବା ଲୋକଙ୍କ ଆକାଉଣ୍ଟ ହୋଇପାରେ ଖାଲି, ସରକାରଙ୍କ ଏହି କଥା ପ୍ରତି ଦିଅନ୍ତୁ ଧ୍ୟାନ
ସମାଜ ଡିଜିଟାଲ ଡେସ୍କ: ୟୁପିଆଇ ନେଣଦେଣ କରୁଥିଲେ ଆପଣଙ୍କୁ ଅନେକ କଥା ପ୍ରତି ଧ୍ୟାନ ଦେବାକୁ ପଡ଼ିଥାଏ। କାରଣ ଗୋଟିଏ ଛୋଟ ଭୁଲ୍ କାରଣରୁ ଆପଣଙ୍କୁ ବଡ଼ କ୍ଷତି ସହିବାକୁ ପଡ଼େ। ଅଧିକାଂଶ ସମୟରେ ଦେଖିବାକୁ ମିଳେ ଯେ, ଲୋକେ ବ୍ୟାଙ୍କିଂ ଠକେଇର ଶିକାର ହୋଇ ଅସୁବିଧାର ସମ୍ମୁଖୀନ ହୋଇଥା’ନ୍ତି। ତେବେ ଆସନ୍ତୁ ଜାଣିବା ୟୁପିଆଇ ପେମେଣ୍ଟ କରିବାବେଳେ କଉେଁ ଦିଗ ପ୍ରତି ଧ୍ୟାନ ଦେବା ଉଚିତ-
ଏନପିସିଆଇର ପରାମର୍ଶ:
ୟୁପିଆଇକୁ ନିୟନ୍ତ୍ରଣ କରୁଥିବା ସରକାରୀ ସଂସ୍ଥା ଏନପିସିଆଇ ପକ୍ଷରୁ କୁହାଯାଇଛି ଯେ, ସ୍ମାର୍ଟଫୋନ୍ ହଜିଗଲେ ତୁରନ୍ତ ୟୁପିଆଇ ଆଇଡିକୁ ବ୍ଲକ୍ କିମ୍ବା ଡିଲିଟ୍ କରିବା ଉଚିତ୍। ଯଦି ଆପଣ ଏପରି ନକରନ୍ତି, ତେବେ ଆପଣଙ୍କୁ ବଡ଼ କ୍ଷତି ସହିବାକୁ ପଡ଼ିବ।
କେମିତି କିରିବେ ଡିଲିଟ୍:
ୟୁପିଆଇ ଆଇଡି ଡିଲିଟ୍ କରିବା ପାଇଁ ଆପଣ କୌଣସି ଥାର୍ଡ ପାର୍ଟି ଆପ୍ ବ୍ୟବହାର କରିପାରିବେ। ଏଥିରେ ପେଟିଏମ୍, ଫୋନ୍ ପେ’, ଗୁଗଲ ପେ’ର ନାମ ସାମିଲ। ଅନ୍ୟ ଏକ ସ୍ମାର୍ଟଫୋନରେ ଲଗ୍ ଇନ୍ କରିବା ପରେ ଆପଣଙ୍କୁ ଏହାକୁ ଡିଲିଟ୍ କରିବାର ଅପ୍ସନ ମିଳିବ।
ୟୁପିଆଇକୁ ନେଇ କରୁଥିବା ଭୁଲ୍:
ସ୍ମାର୍ଟଫୋନ୍ ହଜିଗଲେ ଆମେ ଖାମଖିଆଲି କରି କିଛି କଥାକୁ ଅଣଦେଖା କରୁ। ଏହାର ପ୍ରଭାବ କିଛି ଦିନ ପରେ ଦେଖିବାକୁ ମିଳେ, ଯେତେବେଳେ ବ୍ୟାଙ୍କ୍ ଆକାଉଣ୍ଟ ଖାଲି ହୋଇଯାଏ।
ତୁରନ୍ତୁ ନିଅନ୍ତୁ ନିଷ୍ପତ୍ତି:
ସ୍ମାର୍ଟଫୋନ୍ ହଜିଗଲେ ପ୍ରଥମେ ଆପଣ ଅଭିଯୋଗ କରିବା ପରେ ଏକ ନୂତନ ସିମ୍ କାର୍ଡ ଆଣିବା ବିଷୟରେ ଚିନ୍ତା କରିବା ଉଚିତ୍। ନୂଆ ସିମ୍ ପାଇବା ପରେ ଆକାଉଣ୍ଟ ଲଗ୍ଇନ୍ କରିବା ଆପଣଙ୍କ ପାଇଁ ସହଜ ହେବ।
ସିମ୍ ବିନା ହେବନି କାମ:
କୌଣସି ପେମେଣ୍ଟ ଆପ୍ରେ ଆକାଉଣ୍ଟକୁ ଲଗ୍ ଇନ୍ କରିବାକୁ ହେଲେ ଆପଣଙ୍କୁ ଆକ୍ଟିଭ୍ ସିମ୍ ଦରକାର।
Comments are closed.