ନୂଆଦିଲ୍ଲୀ: ବଜାରରେ ପେଟ୍ରୋଲ-ଡିଜେଲ ଦର ବୃଦ୍ଧି ପାଉଥିବାରୁ ଲୋକମାନେ ଏବେ ଇଲେକ୍ଟ୍ରିକ୍ ଗାଡ଼ି ଗୁଡ଼ିକୁ ବେଶ ପସନ୍ଦ କରୁଛନ୍ତି । ଲୋକଙ୍କ ପସନ୍ଦ ଓ ବଜାରର ଚାହିଦାକୁ ଦୃଷ୍ଟିରେ ରଖି ବିଭିନ୍ନ କମ୍ପାନୀ ଗୁଡ଼କ ପକ୍ଷରୁ ବୈଦ୍ୟୁତିକ ଯାନ ବଜାରକୁ ଛାଡ଼ିଲେଣି । ଇଲେକ୍ଟ୍ରିକ୍ ବାଇକ୍, ସ୍କୁଟର ଏବଂ କାର ମଧ୍ୟ ବଜାରରେ ଉପଲବ୍ଧ ହେଉଛି ।
ବର୍ତ୍ତମାନ ଲୋକପ୍ରିୟ ଭେଇକିଲ କମ୍ପାନୀ ହୋଣ୍ଡା ତାର ପ୍ରଥମ ଇ-ସ୍କୁଟର ବଜାରରେ ଲଞ୍ଚ କରିବାକୁ ଯାଉଛି । ଯାହାଦ୍ୱାରା ଖୁବ୍ ଶୀଘ୍ର ଗ୍ରାହକ ମାନେ ଏହି ସ୍କୁଟରକୁ କିଣିପରିବେ । ୟୁରୋପୀୟ ବଜାରରେ ହୋଣ୍ଡାର ଇ-ସ୍କୁଟର ‘ହୋଣ୍ଡା ଥଏମ୧-ଇ’ ଲଞ୍ଚ କରିଥିବା ବେଳେ, ଭାରତ ବଜାରରେ ହୋଣ୍ଡା ତାର ଆଉ ଏକ ନୂଆ ଇ-ସ୍କୁଟର ମଡେଲ ପ୍ରବେଶ କରିବ ।
ଏହି ସ୍କୁଟର ଘଣ୍ଟା ପ୍ରତି ୮୦ କିମି ଯାଇପାରିବ । ଆଉ ଏହାକୁ ଚାର୍ଜ କଲେ ୧୪୬ କିମି ଯାଏଁ ଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି । ହୋଣ୍ଡାର ଏହି ଇ-ସ୍କୁଟର ବଜାରରେ ଖୁବ୍ ଶୀଘ୍ର ଉବଲବ୍ଧ ହେବ। ୧ଲକ୍ଷ ୫୫ହଜାର ୬୫୭ଟଙ୍କାରେ ଏହା ବଜାରରେ ମିଳିବ ବୋଲି ସୂଚନା ରହିଛି । ସବୁଠାରୁ ବଡ଼ କଥା ହେଉଛି ଏହି ଇ-ସ୍କୁଟରର ଲୁକ୍ ଓ ମାଇଲେଜ ଭଲ ରହିବ । ଯଦି ଆପଣ ଏହି ଇ-ସ୍କୁଟରକୁ କିଣିବାକୁ ଚାହାନ୍ତି ତେବେ ବର୍ତ୍ତମାନ ଭଲ ଅଫର ସହ ଏହାକୁ କିଣିପାରିବେ ।
