ନୂଆଦିଲ୍ଲୀ : ଯଦି ଆପଣ ନୂଆ ବାଇକ୍ କିମ୍ବା ସ୍କୁଟର କିଣିବାକୁ ଯୋଜନା କରୁଛନ୍ତି ତେବେ ଆପଣଙ୍କ ପାଇଁ ସୁବର୍ଣ୍ଣ ସୁଯୋଗ । ହୋଣ୍ଡା ନିଜ ଲୋକପ୍ରିୟ ଦୁଇଚକିଆ ଯାନ ଉପରେ ଆକର୍ଷଣୀୟ ରିହାତି ଘୋଷଣା କରିଛି । କମ୍ପାନୀ ଆକ୍ଟିଭା, ଆକ୍ଟିଭା ୧୨୫, ସାଇନ୍ ୧୦୦ ଓ ସାଇନ୍ ୧୨୫ ଭଳି ମଡେଲରେ ୫୧୦୦ ଟଙ୍କାର ଇନଷ୍ଟାଣ୍ଟ ରିହାତି ଦେଉଛି । ଏହା ବ୍ୟତୀତ ଗ୍ରାହକଙ୍କୁ ଏକ ଉପହାର ମଧ୍ୟ ମିଳୁଛି । ତେବେ ଏହି ଅଫର କେବଳ ମାର୍ଚ୍ଚ ମାସ ପର୍ଯ୍ୟନ୍ତ ବୈଧ । ଅର୍ଥାତ୍ ଗ୍ରାହକ ଏହି ନିର୍ଦ୍ଧାରିତ ସମୟ ମଧ୍ୟରେ ଏହି ଅଫରର ଫାଇଦା ଉଠାଇ ପାରିବେ ।
ହୋଣ୍ଡା ନିକଟରେ ଭାରତୀୟ ବଜାରରେ ନିଜ ସିବି୨୫୦ଆରଏସ୍ ଓ ହାଇନେସ୍ ସିବି୩୫୦ ବାଇକ୍ସର ୨୦୨୫ ଭାରିଆଣ୍ଟ ନେଇଆସିଛି । ଏଥର କମ୍ପାନୀ ଏହି ବାଇକ୍ସ ପାଇଁ ନୂଆ ରଙ୍ଗ ବିକଳ୍ପ ଆଣିଛି । ହୋଣ୍ଡା ଏନଏକ୍ସ ୨୦୦ ବାଇକକୁ ଲଞ୍ଚ୍ କରିଦେଇଛି ଯାହାର ଏକ୍ସ ଶୋରୁମ୍ ଦାମ୍ ୧.୬୮ ଲକ୍ଷ ଟଙ୍କା ରଖାଯାଇଚି । ଏନଏକ୍ସ ୨୦୦କୁ ୩ ନୂଆ ରଙ୍ଗର ବିକଳ୍ପରେ ଆଣିଛି କମ୍ପାନୀ । ଏଥିରେ ଚାର୍ଜିଂ ପାଇଁ ପୋର୍ଟ ଦିଆଯାଇଛି ।
