ପାଟନା: ବିହାରର ଗୟା ଜିଲାରେ ହୋମଗାର୍ଡ ପଦ ପାଇଁ ଫିଟ୍ନେସ ପରୀକ୍ଷା ଚାଲିଥିବାବେଳେ ଜଣେ ୨୬ ବର୍ଷୀୟା ଯୁବତୀ ଅଚେତ ହୋଇପଡିଥିଲେ। ତାଙ୍କୁ ଡାକ୍ତରଖାନା ନିଆଯାଉଥିବାବେଳେ ଆମ୍ବୁଲାନ୍ସରେ ଗଣଦୁଷ୍କର୍ମ କରାଯାଇଥିବା ଜଣାପଡିଛି। ଜୁଲାଇ ୨୪ରେ ଏଭଳି ଲଜ୍ଜାଜନକ ଘଟଣା ଘଟିଛି। ବୋଧଗୟାସ୍ଥିତ ବିହାର ମିଲିଟାରୀ ପୁଲିସ ପଡିଆରେ ହୋମଗାର୍ଡ ପ୍ରାର୍ଥୀଙ୍କ ଶାରୀରିକ ଦକ୍ଷତା ପରୀକ୍ଷା ଚାଲିଥିଲା। ଏହି ସମୟରେ ସଂପୃକ୍ତ ଯୁବତୀ ଅଚେତ ହୋଇପଡିଥିଲେ। ତାଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ଡାକ୍ତରଖାନା ପଠାଯାଇଥିଲା। ତେବେ ଆମ୍ବୁଲାନ୍ସ ଭିତରେ ଏକାଧିକ ବ୍ୟକ୍ତି ତାଙ୍କୁ ଦୁଷ୍କର୍ମ କରିଥିବା ଯୁବତୀ ଜଣକ ଅଭିଯୋଗ କରିଛନ୍ତି। ଯୁବତୀଙ୍କ ଏତଲାକୁ ଆଧାର କରି ପୁଲିସ ଆମ୍ବୁଲାନ୍ସ ଡ୍ରାଇଭର ବିଜୟ କୁମାର ଏବଂ ଟେକ୍ନିସିଆନ ଅଜିତ କୁମାରଙ୍କୁ ଗିରଫ କରିଛି। ଆମ୍ବୁଲାନ୍ସର ରୁଟ୍ ଓ ଟାଇମ ଲାଇନକୁ ସିସିଟିଭି ଜରିଆରେ ନିରୀକ୍ଷଣ କରାଯାଉଛି।
Popular Categories
Previous article
Next article