ଦ୍ବାରକା : ଗୁଜୁରାତ୍ର ଦ୍ବାରକା ଓ ସୁରତ୍ରୁ ପୁଲିସ ବିପୁଳ ହେରୋଇନ୍ ତଥା ମେଥାମ୍ଫେଟାମାଇନ୍ ଭଳି ନିଶା ଦ୍ରବ୍ୟ ଜବତ କରିଛି। ଏହି ଘଟଣାରେ ତିନି ଜଣଙ୍କୁ ଗିରଫ କରାଯାଇଛି। ଜବତ ମାଦକ ଦ୍ରବ୍ୟର ମୂଲ୍ୟ ୩୦୦ କୋଟି ଟଙ୍କାରୁ ଅଧିକ ବୋଲି ପୁଲିସ କହିଛି। ବୁଧବାର ଦୁଇଟି ସ୍ଥାନରେ ଚଢ଼ଉରୁ ପ୍ରଥମେ ୧୯ଟି ଓ ପରେ ୪୭ଟି ପ୍ୟାକେଟ୍ରେ ଥିବା ମାଦକ ଦ୍ରବ୍ୟ ଜବତ ହୋଇଛି। ସାଜ୍ଜଦ ଦୋଷୀ ନାମକ ଜଣେ ପରିବା ବିକ୍ରେତା ତିନିଟି ବ୍ୟାଗ୍ରେ ୧୯ଟି ପ୍ୟାକେଟ୍ରେ ଥିବା ଏହି ମାଦକ ଦ୍ରବ୍ୟ ଚାଲାଣ କରୁଥିଲା; ଯାହାର ପରିମାଣ ୧୭ କିଲୋ ଏବଂ ମୂଲ୍ୟ ୮୮କୋଟି ୨୫ ଲକ୍ଷ ଟଙ୍କା। ସ୍ଥାନୀୟ ଏକ ଅତିଥି ଭବନରୁ ତାକୁ ଗିରଫ କରାଯାଇଛି। ଏହି ମାଦକ ଦ୍ରବ୍ୟ ପାକିସ୍ତାନରୁ ସମୁଦ୍ର ପଥ ଦେଇ ଏଠାକୁ ଆସିଥିବା ପୁଲିସ କହିଛି। ସେ ସାଲାୟା ଅଞ୍ଚଳର ଦୁଇ ଭାଇ ସଲିମ କାରା ଓ ଅଲି କାରାଙ୍କଠାରୁ ଏହା ଆଣିଥିବା କହିବା ପରେ ପୁଲିସ ସେମାନଙ୍କୁ ଗିରଫ କରିଛି। ସେମାନଙ୍କଠାରୁ ୪୭ଟି ପ୍ୟାକେଟ୍ରେ ଥିବା ୪୫କିଲୋର ମାଦକ ଦ୍ରବ୍ୟ ଜବତ ହୋଇଛି। ଏହାର ମୂଲ୍ୟ ୨୨୫ କୋଟି ଟଙ୍କା ଆକଳନ କରାଯାଇଛି।
ସେହିଭଳି ସୁରତ୍ରୁ ୫୮.୫୩ ଗ୍ରାମ ଓଜନର ମାଦକ ଦ୍ରବ୍ୟ ଜବତ ହୋଇଛି। ଏହାର ମୂଲ୍ୟ ପ୍ରାୟ ୬ ଲକ୍ଷ ଟଙ୍କା। ଏହି ଘଟଣାରେ ଜଣେ ଗିରଫ ହୋଇଛି। ଗୁଜରାତ ମନ୍ତ୍ରୀ ହର୍ଷ ସାଂଘଭିଙ୍କ ସୂଚନାନୁଯାୟୀ, ଗତ ଦୁଇ ମାସ ମଧ୍ୟରେ ପୁଲିସ ମୋଟ ୫୭୫୬ କିଲୋଗ୍ରାମ ମାଦକ ଦ୍ରବ୍ୟ ଜବତ କରିଛି; ଯାହାର ମୂଲ୍ୟ ୨୪୫ କୋଟି ଟଙ୍କା। ଏ ବାବଦରେ ୫୭ଟି ମାମଲା ରୁଜୁ ହୋଇଛି।
ଏହି ଘଟଣା ଉପରେ ପ୍ରତିକ୍ରିୟା ରଖି ମହାରାଷ୍ଟ୍ର ମନ୍ତ୍ରୀ ନବାବ ମାଲିକ କହିଛନ୍ତି ଯେ ମାଦକ ଦ୍ରବ୍ୟ କାରବାର ଗୁଜରାତ୍ରୁ ହେଉଛି। ସେଠାରେ ବଡ଼ ଚେର ଲମ୍ବିଥିବାବେଳେ ଆଖିଦୃଶିଆ କାର୍ଯ୍ୟାନୁଷ୍ଠାନ ହେଉ ନାହିଁ; କିନ୍ତୁ ମହାରାଷ୍ଟ୍ରରେ ୨.୪ ଗ୍ରାମ ଡ୍ରଗ୍ସ ଜବତ କରି ଏନ୍ସିବି ଜୋର୍ଦାର ପ୍ରଚାର ଚଳାଇଛି। ଗୁଜରାତରୁ ମାଦକ ଦ୍ରବ୍ୟଚାଲାଣ ଚେର ଅନ୍ୟତ୍ର ଲମ୍ବିଥିବାବେଳେ ଏହାକୁ ଉପାଡ଼ିବା ପାଇଁ ଏନସିବି ଗୁରୁତ୍ବ ଦେବ ବୋଲି ସେ ଆଶା ବ୍ୟକ୍ତ କରିଛନ୍ତି।
ଦ୍ବାରକାରୁ ୩୦୦ କୋଟିରୁ ଅଧିକ ମାଦକ ଦ୍ରବ୍ୟ ଜବତ
Popular Categories
Previous article
Next article