ନୂଆଦିଲ୍ଲୀ : ହିରୋ ମୋଟୋକର୍ପ ଆମେରିକୀୟ ଇଭି ପାର୍ଟନର ଜିରୋ ମୋଟରସାଇକେଲ ସହ ମିଶି ଏକ ନୂଆ ଇ-ବାଇକ ଉପରେ କାମ କରୁଛି । ଏହି ମିନି ବାଇକ ସହର ବଜାରର ଗଳି କନ୍ଦିକୁ ନଜରରେ ରଖି ପ୍ରସ୍ତୁତ କରାଯାଉଛି । ଏଥିରେ ଅଲଗା ହୋଇପାରୁଥିବା ବ୍ୟାଟେରୀ ରହିବ । ଏବେ ଜିରୋ ଇଲେକ୍ଟ୍ରିକ୍ ମୋଟରସାଇକେଲରେ ଫିକ୍ସଡ ବ୍ୟାଟେରୀ ମିଳୁଛି । ଜିରୋ ଏଫଏକ୍ସଇକୁ ବେଙ୍ଗାଲୁରୁରେ ଟେଷ୍ଟିଂ ସମୟରେ ଦେଖିବାକୁ ମିଳିଥିଲା । ଏହାର ସର୍ବାଧିକ ଗତି ୧୩୬ କିଲୋମିଟର ପ୍ରତି ଘଣ୍ଟା । ଏହାକୁ ଥରେ ଚାର୍ଜ କଲେ ୧୭୦ କିଲୋମିଟର ଯାତ୍ରା କରିହେବ ।
ଏଫଏକ୍ସଇ ନିଜ ଦମଦାର ଡିଜାଇନ ସହିତ ନିଜ ପ୍ରିମିୟମ୍ ପୋଜିସନିଂ ପାଇଁ ମଧ୍ୟ ଜଣାଯାଏ । ଆମେରିକାରେ ଏଫଏକ୍ସଇର ଦାମ୍ ୧୦ ଲକ୍ଷ ଟଙ୍କାରୁ ଅଧିକ । ଅର୍ଥାତ୍ ଏହା ଦୁନିଆର ସବୁଠାରୁ ମହଙ୍ଗା ଦୁଇଚକିଆ ଇଭି ମଧ୍ୟରୁ ଗୋଟିଏ । ତେବେ ଭାରତୀୟ ବଜାର ପାଇଁ ଏହାର ଅନେକ ଫିଚର କମାଯାଇ ଦାମ୍ ମଧ୍ୟ କମ୍ କରିବାକୁ ଚେଷ୍ଟା କରୁଛି କମ୍ପାନୀ ।
