କଲମପୁର: କଲମପୁର ଥାନା ଅନ୍ତର୍ଗତ ବାଣ୍ଡିଗାଁରେ ସଂଘବଦ୍ଧ ଆକ୍ରମଣ ଘଟଣାରେ ପୁଲିସ ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଅଭିଯୁକ୍ତମାନେ ହେଲେ ନିର୍ବାଚନ ପୁଝାରୀ, ତ୍ରିଲୋଚନ ପୁଝାରୀ ଏବଂ ନରସିଂହ ପୁଝାରୀ।
ସୂଚନା ଅନୁସାରେ, କଲମପୁର ଥାନା ଅନ୍ତର୍ଗତ ବାଣ୍ଡିଗାଁଠାରେ ଦେବୋତ୍ତର ବିଭାଗ ଅଧୀନରେ ଥିବା ମା’ ଲଙ୍କେଶ୍ୱରୀ ଦେବୀଙ୍କ ଏକ ଜମିକୁ ଜବରଦଖଲରୁ ମୁକ୍ତ କରିବା ଲାଗି ନୋଟିସ ଦେବା ପାଇଁ ବାଣ୍ଡିଗାଁ ମା’ ଲଙ୍କେଶ୍ୱରୀ ଦେବୀ ପରିଚାଳନା ଟ୍ରଷ୍ଟ କର୍ମକର୍ତ୍ତା ଜବରଦଖଲକାରୀଙ୍କ ଘରକୁ ଯାଇଥିଲେ। କିନ୍ତୁ ସେଠାରେ ଜବରଦଖଳକାରୀଙ୍କ ଅନୁପସ୍ଥିତିରେ ନିର୍ବାଚନ ପୁଝାରୀ, ତ୍ରିଲୋଚନ ପୁଝାରୀ ଏବଂ ନରସିଂହ ପୁଝାରୀ ସଂଘବଦ୍ଧ ଭାବେ ମଙ୍ଗରାଜ ପାତ୍ର, ଦୟାନିଧି ପାନ ଏବଂ ପରିକ୍ଷୀତ ନାଏକଙ୍କୁ ଆକ୍ରମଣ କରିଥିଲେ। ଏ ନେଇ ମଙ୍ଗରାଜ ପାତ୍ର କଲମପୁର ଥାନାରେ ଅଭିଯୋଗ କରିଥିଲେ। ଏହା ପରେ ଅଭିଯୁକ୍ତମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବଡକୁଟୃ ପୁଲିସ ଫାଣ୍ଡି ଅଧିକାରୀ ଶିବ ଶଙ୍କର ମହାନ୍ତି ସୂଚନା ଦେଇଛନ୍ତି।
Comments are closed.