ରାଞ୍ଚି : ଝାଡଖଣ୍ଡର କାର୍ଯ୍ୟବାହୀ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ ଆଜି ନ୍ୟାୟିକ ହେପାଜତରେ ରହିବେ । ଇଡି ତାଙ୍କୁ କୋର୍ଟରେ ହାଜର କରି ୧୦ ଦିନର ରିମାଣ୍ଡ ମାଗିଥିଲା । କୋର୍ଟ ସମ୍ପୂର୍ଣ୍ଣ ମାମଲାରେ ଶୁଣାଣି କରି ନିଷ୍ପତ୍ତି ଶୁଣାଇଛନ୍ତି କି ହେମନ୍ତ ଆଜି ରାତିରେ ଜେଲରେ ରହିବେ । ଏହା ବ୍ୟତୀତ ଇଡିର ରିମାଣ୍ଡ ପିଟିସନରେ ଶୁଣାଣି କରି ପିଏମଏଲଏର ବିଶେଷ କୋର୍ଟ ନିଜ ନିଷ୍ପତ୍ତି ସୁରକ୍ଷିତ ରଖିଛନ୍ତି । ରିମାଣ୍ଡ ପିଟିସନରେ କୋର୍ଟ କାଲି ନିଷ୍ପତ୍ତି ଶୁଣାଇବେ ।
ରାଞ୍ଚିର ପିଏମଏଲଏ କୋର୍ଟ ପରେ ହେମନ୍ତ ଜେଲ୍ ପହଞ୍ଚି ଯାଇଛନ୍ତି । ହେମନ୍ତ ସୋରେନଙ୍କୁ ରାଞ୍ଚିର ହୋଟଓ୍ବାର ଜେଲ୍ ପଠାଯାଇଛି । ଆଜି ରାତିରେ ସେ ଜେଲରେ ରହିବେ । ଅନ୍ୟପଟେ ସେ କୋର୍ଟରୁ ବାହାରୁଥିବା ସମୟରେ ଜେଏମଏମର ଅନେକ କର୍ମୀ ଉପସ୍ଥିତ ଥିଲେ । ସମସ୍ତେ ହେମନ୍ତଙ୍କ ସମର୍ଥନରେ ଜମା ହୋଇ ନାରା ଦେଉଥିଲେ । କହିରଖୁଛୁ ହେମନ୍ତ ସୋରେନଙ୍କୁ ଇଡି ଜମି ଘୋଟାଲା ମାମଲାରେ ଗିରଫ କରିଛି ।
Comments are closed.