ଖାଆନ୍ତୁ ଏହି ଫଳ ଓ ପରିବା

ପନିପରିବା ଖାଇବା ଦ୍ୱାରା ଶରୀରକୁ ଆବଶ୍ୟକ ପରିମାଣରେ ପୋଷକ ତତ୍ତ୍ୱ, ଭିଟାମିନ, ମିନେରାଲ୍ସ ଆଦି ରହିଛି। ଜାଣନ୍ତୁ ୨ଟି ମୁଖ୍ୟ ପନିପରିବା ଓ ଫଳ ବିଷୟରେ । ଯାହା ସ୍ୱାସ୍ଥ୍ୟ ପାଇଁ ବେଶ ହିତକାରକ।ଫଳରେ ବିଭିନ୍ନ ପ୍ରକାର ପୋଷକ ତତ୍ୱ ଭରପୁର ମାତ୍ରାରେ ରହିଛି। ଯାହା ସ୍ୱାସ୍ଥ୍ୟ ପାଇଁ ବେଶ ହିତକାରକ ଓ ଆବଶ୍ୟକ। ସେଭଳି କେତେକ ଫଳ ମଧ୍ୟରେ ସ୍ୱାସ୍ଥ୍ୟ ଉପକାରୀ ଏକ ଫଳ ହେଉଛି ମୌସୁମୀ। ଏହାର ସ୍ୱାଦ ମଧ୍ୟ ଖଟା-ମିଠା। ତେଣୁ ପିଇବାକୁ ମଧ୍ୟ ସୁଆଦିଆ ଲାଗେ। ଜାଣନ୍ତୁ ଏହାର ଉପକାରିତା ଗୁଣ ବିଷୟରେ
୧- ଓଜନ ହ୍ରାସ କରିବାରେ ସହାୟକ ହୋଇଥାଏ।
୨- ଏହା ଚକ୍ଷୁ, ଚର୍ମ , କେଶକୁ ମଧ୍ୟ ସୁସ୍ଥ ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।
୩- ହାଡ଼କୁ ସୁସ୍ଥ ଓ ମଜଭୂତ କରିବା ପାଇଁ ସହାୟକ ହୋଇଥାଏ।
୪- ପାଚନ ତନ୍ତ୍ରକୁ ସୁସ୍ଥ ରଖିଥାଏ।
୫- ଗର୍ଭବତୀ ମହିଳାମାନେ ମଧ୍ୟ ଏହାକୁ ପିଇପାରିବେ।
୬- ଏହା ଖାଦ୍ୟ ହଜମ ପାଇଁ ବେଶ ଲାଭଦାୟକ ହୋଇଥାଏ।
୭- ମଧୁମେହ ରୋଗୀମାନେ ମଧ୍ୟ ଏହାର ସେବନ କରିପାରିବେ।
୮- ମୌସୁମୀ ଜୁସରେ ପ୍ରଚୁର ପରିମାଣରେ ଭିଟାମିସ ସି ଥିବାରୁ ଏହା ଦାନ୍ତ , ଦାନ୍ତ ମାଢି ପାଇଁ ବେଶ ଲାଭଦାୟକ।
ଅମୃତଭଣ୍ଡା ଖାଇବା ଦ୍ୱାରା ଖାଦ୍ୟ ଭଲ ଭାବେ ହଜମ ହୋଇଥାଏ ଓ ପେଟ ସହ ଜଡ଼ିତ ବହୁ ସମସ୍ୟା ଦୂର ହୋଇଥାଏ।
– ଏଥିରେ ଫାଇବର ଓ ପୋଟାସିୟମ ପ୍ରଚୁର ମାତ୍ରାରେ ଥିବାରୁ ଏହା ହୃଦୟ ସହ ଜଡ଼ିତ ବିଭିନ୍ନ ରୋଗରୁ ଦୂର କରିବା ପାଇଁ ସହାୟକ ହୋଇଥାଏ।
– ରକ୍ତଚାପ ରୋଗୀଙ୍କ ପାଇଁ ଅମୃତଭଣ୍ଡାର ସେବନ ଆଶୀର୍ବାଦ ଠାରୁ କମ ନୁହେଁ।
– ଅମୃତଭଣ୍ଡାକୁ ନିୟମିତ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇବା ସହ ଶରୀରକୁ ବିଭିନ୍ନ ରୋଗ ଓ ସଂକ୍ରମଣରୁ ରକ୍ଷା କରିଥାଏ।
– ଏଥିରେ ଥିବା ଫାଇବର ଓ ଅନ୍ୟାନ୍ୟ ପୋଷକ ତତ୍ତ୍ୱ କୋଲେଷ୍ଟେରୋଲ ସ୍ତରକୁ ନିୟନ୍ତ୍ରଣ କରି ରଖିଥାଏ।
– ଓଜନ ହ୍ରାସ ହୋଇଥାଏ।
– ଏଥିରେ ଭିଟାମିନ ଏ ଓ ସି ପ୍ରଚୁର ପରିମାଣରେ ରହିଛି। ଏହାକୁ ଖାଇବା ଦ୍ୱାରା ଦୃଷ୍ଟି ଶକ୍ତି ବୃଦ୍ଧି ପାଇଥାଏ।
– ମଧୁମେହ ରୋଗୀଙ୍କ ପାଇଁ ମଧ୍ୟ ଏହା ସେବନ କରିବା ଉତ୍ତମ।
ଅମୃତଭଣ୍ଡାକୁ ପାଚିବା ଅବସ୍ଥାରେ ଓ କଞ୍ଚାକୁ ବ୍ୟଞ୍ଜନ ଭାବେ ପ୍ରସ୍ତୁତ କରି ଖିଆଯାଏ।
ଏହାକୁ ସୁବିଧାରେ ବଜାରରୁ ଆପଣ କିଣି ଆଣି ପାରିବେ। ଏହା ଶରୀରକୁ ସୁସ୍ଥ ରଖିଥାଏ।