ଫାଷ୍ଟଫୁଡ୍, ମୃଦୁପାନୀୟ ଏସବୁର ଲୋଭରେ କେବଳ ଯୁବପିଢ଼ି ନୁହେଁ, ବରଂ ବୟସ୍କ ଲୋକେ ମଧ୍ୟ ବାନ୍ଧି ହୋଇଗଲେଣି। ପ୍ରତ୍ୟେକ ପ୍ରାନ୍ତର ଲୋକ ନିଜ ପାରମ୍ପରିକ ଖାଦ୍ୟକୁ ଭୁଲି ଫାଷ୍ଟଫୁଡ୍ ମାୟାରେ ବାୟା ହେଉଛନ୍ତି। ଏକଥା କହିଛନ୍ତି ଭାରତୀୟ ଖାଦ୍ୟ ବିଶେଷଜ୍ଞ ଦଳ। ଜୁଲାଇ ମାସରେ ହୋଇଥିବା ସର୍ବେକ୍ଷଣ ଅନୁସାରେ ପ୍ରତି ୮ଜଣଙ୍କ ମଧ୍ୟରୁ ଜଣେ ମେଦବହୁଳ ରୋଗରେ ଆକ୍ରାନ୍ତ।
ପ୍ୟାକେଟ୍ ଖାଦ୍ୟ ଶରୀର ପାଇଁ ଖୁବ୍ ହାନିକାରକ ଜାଣିବା ସତ୍ତ୍ବେ ଆମ ମଧ୍ୟରୁ ପ୍ରାୟ ୪୩% ଲୋକେ ଏସବୁ ଖାଇବାକୁ ପସନ୍ଦ କରିଥାନ୍ତି। କର୍ମଜୀବୀ ଲୋକେ ଏଇ ଖାଦ୍ୟ ଖାଇବାରେ ଅଭ୍ୟସ୍ତ ହୋଇଗଲେଣି। କାରଣ ତରବରରେ ମାତ୍ର କିଛି ମିନିଟ୍ରେ ପ୍ୟାକେଜିଂ ଫୁଡ୍ ପ୍ରସ୍ତୁତ କରିବାରେ ଖୁବ୍ ସହାୟକ ହୋଇଥାଏ।
ଆମ ଦେଶର ଚୂଡ଼ା, ମୁଢ଼ି, ସୁଜି, ରୁଟି, ପରଟାକୁ ଭୁଲି ସକାଳ ଜଳଖିଆରେ ମ୍ୟାକ୍ରୋନି, ପାସ୍ତା, ବ୍ରେଡ୍-ଜାମ୍-ବଟର୍ ଖାଉଛେ। ସେସବୁଥିରେ ମାତ୍ରାଧିକ ଫ୍ୟାଟ୍ ରହୁଥିବାରୁ ତାହା ଦିନ କେଇଟାରେ ମେଦ ବଢ଼ାଏ।
ଇଟାଲୀର ଲୋକପ୍ରିୟ ତଥା ପାରମ୍ପରିକ ଖାଦ୍ୟ ପିଜ୍ଜା ଖାଇ ସେଠା ଲୋକେ ମେଦବହୁୁଳ ହେଉନଥିବାବେଳେ ଆମେରିକା, ଭାରତ, କାନାଡାର ଲୋକେ ଏହା ଖାଇ ନିଜ ଓଜନ ବୃଦ୍ଧି କରାଉଛନ୍ତି। ଗବେଷକଦଳ ଏ ସଂକ୍ରାନ୍ତରେ ଅନୁସନ୍ଧାନ କରି ଜାଣିପାରିଲେ ଯେ ସେଠାର ପିଜ୍ଜା ପ୍ରସ୍ତୁତି ଶୈଳୀ ସମ୍ପୂର୍ଣ୍ଣ ଭିନ୍ନ।
ନିଜ ଖାଦ୍ୟ ଓ ପାନୀୟ ବାବଦରେ ଏବେଠାରୁ ସଚେତନ ନ ହେଲେ ଆଗାମୀ ଦିନରେ ମେଦବହୁଳତା ଏକ ଭୟଙ୍କର ରୂପ ନେବ ବୋଲି ଅନୁମାନ କରାଯାଉଛି।
ଜାଣନ୍ତୁ, ମେଦବହୁଳତାର କାରଣ
Popular Categories
Previous article
Next article