ନୀଳଗିରି: ବାଲେଶ୍ବର ଜିଲା ଔପଦା ବ୍ଲକ୍ ଅନ୍ତର୍ଗତ ଦକ୍ଷିଣନରସିଂହପୁର ପଞ୍ଚୟତର ବାଇଗଡ଼ିଆ ଗ୍ରାମରେ ଝାଡ଼ାବାନ୍ତିରେ ୧୫ରୁ ଉର୍ଦ୍ଧ୍ବ ଆକ୍ରାନ୍ତ ହୋଇଥିବା ସୂଚନା ମିଳିଛି। ସେମାନଙ୍କୁ ପ୍ରଥମେ ଖନ୍ତାପଡା ଗୋଷ୍ଠି ସ୍ୱାସ୍ଥକେନ୍ଦ୍ରରେ ପ୍ରାଥମିକ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ପରେ ଅବସ୍ଥା ଗୁରୁତର ହେବାରୁ ସେମାନଙ୍କ ମଧ୍ୟରୁ ୧୦ରୁ ଉର୍ଦ୍ଧ୍ବ ରୋଗୀଙ୍କୁ ବାଲେଶ୍ୱର ମେଡିକାଲକୁ ସ୍ଥାନାନ୍ତର କରାଯାଇଛି।
ସୂଚନାଯୋଗ୍ୟ, ଗତ ଶୁକ୍ରବାର ଦିନ ଗ୍ରାମରେ ଦେବେନ୍ଦ୍ର ସିଂଙ୍କ ବାପା ଶ୍ୟାମ ସିଂଙ୍କର ସୁଦ୍ଧିକ୍ରିୟା ଭୋଜି ଖାଇ ପ୍ରାୟ ୧୫ ଜଣ ଝାଡାବାନ୍ତିର ଆକ୍ରାନ୍ତ ହୋଇଥିଲେ। ସେମାନଙ୍କ ମଧ୍ୟରେ ୪ ବର୍ଷର ଜଣେ ଶିଶୁ ରହିଥିବା ଜଣାପଡିଛି। ରବିବାର ଏକ ମେଡିକାଲ ଟିମ୍ ଗାଁରେ ପହଞ୍ଚି ଅନୁଧ୍ୟାନ କରୁଛି।
