ଉତ୍ତରପ୍ରଦେଶ: ହାଥରସର ସାଦାବାଦ ରାସ୍ତାରେ ଡମ୍ଫର ଧକ୍କାରେ ୬ଜଣ କାଉଡିଆଙ୍କ ମୃତ୍ୟୁ ଘଟଣାରେ ସରକାର କଡ଼ା ପଦକ୍ଷେପ ନେଇଛନ୍ତି । ହାଥରସର ଏସପି ବିକାଶ କୁମାର ବିଦ୍ୟାଙ୍କୁ ବଦଳି କରାଯାଇଛି । ହାଥରସରୁ ତାଙ୍କୁ ମିର୍ଜାପୁରକୁ ପଠାଇ ଦିଆଯାଇଛି । ତାଙ୍କ ବଦଳରେ ହାଥରସର ଏସପି ଭାବେ ଦେବେଶ କୁମାର ପାଣ୍ଡେଙ୍କୁ ଦାୟିତ୍ୱ ଦିଆଯାଇଛି । ସୂଚନା ଥାଉ କି ଗତକାଲି ହାଥରସର ସାଦାବାଦ ରାସ୍ତାରେ ଏକ ଡମ୍ଫର ଧକ୍କାରେ ୬ଜଣ କାଉଡିଆଙ୍କ ମୃତ୍ୟୁ ହୋଇଥିଲା । ତାହାସହ ୨ଜଣ କାଉଡିଆ ଗୁରୁତର ହୋଇଥିଲେ ।
ପରେ ଗୁରୁତର ୨ଜଣଙ୍କୁ ଉଦ୍ଧାର କରାଯାଇ ଉଭୟଙ୍କୁ ଚିକିତ୍ସା ପାଇଁ ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା । କାଉଡିଆ ମାନେ ଗଙ୍ଗାଜଳ ନେଇ ହରିଦ୍ୱାରରୁ ଗାଲିୟର ଯାଉଥିବା ବେଳେ ଏକ ଡମ୍ଫର ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ୬ଜଣଙ୍କ ମୃତ୍ୟୁ ହୋଇଥିଲା । ଅନ୍ୟ ୨ଜଣ ଦୁର୍ଘଟଣାରେ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ । ଏହି ଦୁର୍ଘଟଣା ଗତକାଲି ବିଳମ୍ବିତ ରାତି ପ୍ରାୟ ସାଢ଼େ ଗୋଟାଏ ବେଳେ ଘଟିଥିଲା ।
ଏନେଇ ଆଗ୍ରାର ଏଡିଜି ରାଜୀବ କୃଷ୍ଣ ମଧ୍ୟ ତାଙ୍କର ପ୍ରତିକ୍ରିୟା ରଖିଥିଲେ । ହେଲେ ଆଜି ଘଟଣାକୁ ନେଇ ହାଥରସର ଏସପି ବିକାଶ କୁମାର ବିଦ୍ୟାଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି । ତାଙ୍କୁ ହାଥରସ ଏସପି ପଦରୁ ବଦଳି କରାଯାଇଛି ।
Comments are closed.