ପାଟଣା : ଗତ ୧୪ ବର୍ଷ ହେଲା ବାର୍ଦ୍ଧକ୍ୟ ଭତ୍ତା ପାଇଁ ପଞ୍ଚାୟତରୁ ବ୍ଲକ ଦୌଡି ଦୌଡି ହତାଶ ହୋଇ ପଡିଲେଣି ହରିହର। ଏବେ ପୁଣି ଅନଲାଇନରେ ଆବେଦନ କରିବାକୁ କୁହାଯିବାରୁ ତାହା ମଧ୍ୟ ସେ କରିଛନ୍ତି। ଏଥର ମିଳିବ କି ପୁଣି ବର୍ଷ ବର୍ଷ ଅପେକ୍ଷା କରି ଚିକିତ୍ସା ଅଭାବରୁ ଆଖି ବୁଜିବେ ତାହା ସେ କହିପାରୁ ନାହାନ୍ତି। ପତ୍ନୀଙ୍କୁ ବହୁ ବର୍ଷ ହେଲା ହରାଇବା ସହ କିଛି ମାସ ତଳେ ବଡ଼ପୁଅକୁ ମଧ୍ୟ ହରାଇଛନ୍ତି ୭୪ ବର୍ଷୀୟ ବୃଦ୍ଧ ହରିହର ନାଏକ। ଘର ତାଙ୍କର ପାଟଣା ବ୍ଲକ ଚିନାମାଳିପଶି ପଞ୍ଚାୟତ ଅନ୍ତର୍ଗତ କେତାଙ୍ଗ ଗ୍ରାମରେ। ସରକାରୀ ସାହାଯ୍ୟ କହିଲେ କେବଳ ଚାଉଳ ମିଳୁଛି। ଚିକିତ୍ସା ଖର୍ଚ୍ଚ ପାଇଁ ମଧ୍ୟ ତାଙ୍କ ପାଖରେ ଅର୍ଥ ନାହିଁ। ଏଭଳି ସ୍ଥିତିରେ ହରିହରକୁ ବାର୍ଦ୍ଧକ୍ୟ ଭତ୍ତାର ନିତ୍ୟାନ୍ତ ଆବଶ୍ୟକତା ଥିବା ସେ କହିଛନ୍ତି। ଏବେ ତାଙ୍କର ୭୪ ବର୍ଷ ହେଲାଣି। ଆଉ କେବେ ସରକାର ତାଙ୍କୁ ଭତ୍ତା ଦେବେ ବୋଲି କ୍ଷୋଭ ଭରା କଣ୍ଠରେ କହିଛନ୍ତି। ପାଟଣା ବ୍ଲକ ପ୍ରଶାସନ କେତାଙ୍ଗର ହରିହରଙ୍କୁ ଭତ୍ତା ପ୍ରଦାନ ଗତ ସହଯୋଗ ଯୋଗାଇଦେବାକୁ ଦାବି ହୋଇଛି।
Popular Categories
Previous article
Next article