ହରଭଙ୍ଗା: ହରଭଙ୍ଗା ବ୍ଲକ ମାଧପୁର ଫରେଷ୍ଟ ରେଞ୍ଜ ଅନ୍ତର୍ଗତ ବାରିଙ୍ଗ ପେତିନି ତଇଲା ଜଙ୍ଗଲରେ ମହାବଳ ବାଘ ଘୂରି ବୁଲୁଥିବା ଆଲୋଚନାର ବିଷୟ ହୋଇଛି। ବାରିଙ୍ଗ ପେତିନି ତଇଲା ନିକଟରେ ଜେସିବି ମେସିନ୍ ସାହାର୍ଯ୍ୟରେ ବନ୍ଧ ଖୋଳା ଚାଲିଥିଲା। ଏହି ସମୟରେ ପାଖ ଜଙ୍ଗଲରେ ଏକ ମହାବଳ ବାଘ ବୁଲୁଥିବା ଜେସିବି ଚାଳକ ଦେଖିବାକୁ ପାଇଥିଲେ। ମହାବଳ ବାଘକୁ ଦେଖି ନିଜ ମୋବାଇଲରେ ଫଟୋ ଉଠାଇଥିଲେ। ବାଘ ବୁଲୁଥିବା ଖବର ଜଣାପଡିବା ପରେ ବାରିଙ୍ଗ , ବଦଲା ଅଞ୍ଚଳରେ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି। କିଛି ବର୍ଷ ତଳେ ପାରଳାଖେମୁଣ୍ଡି ଜଙ୍ଗଲରୁ ବାଲିଗୁଡା ଡିଭିଜନ୍ ଦେଇ ଏକ ମହାବଳ ବାଘ ସାତକୋଶିଆ ଅଭୟାରଣ୍ୟକୁ ଚାଲି ଆସିଥିଲା। ବାଘ ପାରଳାଖେମୁଣ୍ଡି ଜଙ୍ଗଲରୁ ଆସିଥାଇପାରେ ବୋଲି ସନ୍ଦେହ କରାଯାଉଛି। ଏ ସମ୍ପର୍କରେ ବାରିଙ୍ଗ ଫରେଷ୍ଟର କହିଛନ୍ତି , ଖବର ମିଳିଛି ଏଣୁ ଅନୁଧ୍ୟାନ ଚାଲିଛି।
Popular Categories
Previous article
Next article