ହରଭଙ୍ଗା : ଆଜି ଶ୍ରାବଣ ମାସର ଶେଷ ସୋମବାର। ଏଥିଲାଗି ରାଜ୍ୟର ପ୍ରାୟ ସବୁ ଶିବ ମନ୍ଦିର ଗୁଡିକରେ କାଉଡିଆ ଏବଂ ଲକ୍ଷାଧିକ ଶ୍ରଦ୍ଧାଳୁଙ୍କ ଭିଡ ପରିଲକ୍ଷିତ ହୋଇଛି। ଏହି ଅବସରରେ ଆଜି ସକାଳୁ ହରଭଙ୍ଗା ଶୈବ ପୀଠରେ ଜଳଲାଗି ପାଇଁ କାଉଡ଼ିଆଙ୍କ ଭିଡ ଲାଗିଛି। ନିକଟସ୍ଥ ମହାନଦୀ ରୁ ବୋଲବମ ମାନସିକ ଧାରୀମାନେ ନଦୀ ଘାଟରେ ରୀତିନୀତି ଅନୁସାରେ ପୂଜାର୍ଚ୍ଚନା କରି ଜଳଆଣି ଆଦେଶ୍ୱର ବାବାଙ୍କ ମସ୍ତକରେ ଜଳଲାଗି କରିଥିଲେ। ଏଥିରେ ଗାଁର ପାଖାପାଖି ୩୦ ଜଣ ଶୈବ ଭକ୍ତ ସାମିଲଥିଲେ। କାଷ୍ଠା, ନିଷ୍ଠା, ଏକାଗ୍ରତା, ବିଶ୍ୱାସ ଏବଂ ଭକ୍ତିର ସହିତ ଶ୍ରାବଣ ମାସରେ ଶିବ ଭଗବାନଙ୍କୁ ଜଳଲାଗି କଲେ ଭକ୍ତର ମାନସିକ ପୂରଣ ହୋଇଥାଏ ବୋଲି ବିଶ୍ୱାସ ରହିଛି। ଏହି ବୋଲବମ ବ୍ରତରେ ପ୍ରତିବର୍ଷ ମାନସିକଧାରୀଙ୍କ ସଂଖ୍ୟା ବୃଦ୍ଧି ପାଉଥିବା ଦେଖିବାକୁ ମିଳୁଛି।
Popular Categories
Previous article
Next article