ହରଭଙ୍ଗା: ହରଭଙ୍ଗା ବ୍ଲକର ବିଭିନ୍ନ ପଞ୍ଚାୟତରେ କାର୍ଯ୍ୟକରୁଥିବା ପି.ଇ.ଓ ମାନଙ୍କର ବଦଳି କରାଯାଇଛି । ପଞ୍ଚାୟତ ସ୍ତରରେ ସୋମବାର ଦିନ ଛୋଟଧରଣର ଅଦଳବଦଳ କରାଯାଇଥିବା ଜଣାପଡ଼ିଛି । ପ୍ରକାଶ ଯେ ବ୍ଲକରେ ୨୨ଟି ପଞ୍ଚାୟତରେ ୧୪ଜଣ ପି.ଇ.ଓ କାର୍ଯ୍ୟକରୁଥିବା ବେଳେ ୧୧ଜଣ ପି.ଇ.ଓଙ୍କୁ ବଦଳି କରାଯାଇଛି । ଅନ୍ୟ ୩ଜଣ ପି.ଇ.ଓଙ୍କ ବଦଳି ହୋଇନଥିବାରୁ ପରୋକ୍ଷରେ ସେମାନେ ବ୍ଲକ ପ୍ରଶାସନର ଗେହ୍ଲା ପୁଅ କି ବୋଲି ପ୍ରଶ୍ନଉଠୁଛି ?
ପଞ୍ଚାୟତ ସମିତି ହରଭଙ୍ଗା ପତ୍ର ସଂଖ୍ୟା -୨୬୧୩ ଅନୁସାରେ ପି.ଇ.ଓ ଶରତ ପୁରୋହିତଙ୍କୁ ବନ୍ଧାପଥର, ସରସରା, ସତ୍ୟବାନ ବେଜିକୁ କଂରଜକଟା, ପୁରୁଣାକଟକ, ପୁରନ୍ଦର ଠେଲାକୁ ଲୁଣିବାହାଲ, ବାମଣ୍ଡା, ବିରଂଚି କାଲସାଏଙ୍କୁ ଛତ୍ରଙ୍ଗ, ବାଣୀଭୁଷଣପୁର ଜଗଦୀଶ ମଲ୍ଲିକଙ୍କୁ କୁଶଙ୍ଗ, ମହାଲ୍ଲିକପଡାର ଜ୍ଞାନରଞନ ମିଶ୍ରଙ୍କୁ ରାଧାନଗର, ବିରଂଚିନାରାୟଣ ପଣ୍ଡାଙ୍କୁ ରାମଗଡ, ସୁଶ୍ରୀ ନମିତା ସାହୁଙ୍କୁ ସାମ୍ପୋଚ୍, ପ୍ରନୀତ ଗୋପାଳଙ୍କୁ ହରଭଙ୍ଗା, ସନ୍ତୋଷ କୁମାର ରଣାଙ୍କୁ ତିଲେଶ୍ୱର, ପିତାମ୍ବରପୁରର ଅନନ୍ତ ବେହେରାଙ୍କୁ ଶଙ୍କୁଲେଇ, ବୀରନରସିଂହପୁର ପଞ୍ଚାୟତ ଦାୟିତ୍ୱ ପ୍ରଦାନ କରାଯାଇଛି । ଅନ୍ୟପଟେ ତଳଗାଁ ପି.ଇ.ଓ ଗୁରୁଚରଣ ସେଠୀ, ଧଳପୁର ପି.ଇ.ଓ ରାଘବାନନ୍ଦ କ୍ଷେତି, ଏବଂ ମଥୁରା ପିଇଓ ଶ୍ରୀମତି ନମିତା ସାହୁଙ୍କୁ ଅଦଳବଦଳ କରାଯାଇନାହିଁ ।
Comments are closed.