ମୁମ୍ବାଇ: ଜାତୀୟ ପୁରସ୍କାର ବିଜେତା ବଲିଉଡ ଅଭିନେତା ଅନୁପମ ଖେର ଗୁରୁବାର ୬୯ତମ ଜନ୍ମଦିବସ ପାଳନ କରୁଛନ୍ତି। ନିଜ ଜନ୍ମ ଦିନର ଗୋଟିଏ ଦିନ ପୂର୍ବରୁ ସୋସିଆଲ ମିଡ଼ିଆରେ ଏକ ଭିଡ଼ିଓ ସେୟାର କରିଛନ୍ତି ଅନୁପମ ଖେର। ଏହି ଭିଡ଼ିଓରେ ସେ କହିଛନ୍ତି ଯେ ତାଙ୍କ ଜନ୍ମଦିନ ଅବସରରେ ସେ କିଛି ନୂଆ ଏବଂ ଚ୍ୟାଲେଞ୍ଜିଂ କରିବାକୁ ଯାଉଛନ୍ତି। ଜନ୍ମଦିନରେ ଏହି ରହସ୍ୟ ଉନ୍ମୋଚନ କରିବା ସହ ତାଙ୍କର ନୂତନ ପ୍ରେଜେକ୍ଟ ‘ତାନଭି ଦି ଗ୍ରେଟ୍’ର ଖୁଲାସା କରି ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛନ୍ତି।
ପୂର୍ବରୁ ଅନୁପମ ଖେର ଏକ୍ସରେ ପୋଷ୍ଟ କରିଥିଲେ ଯେ ‘ତାନଭି ଦି ଗ୍ରେଟ୍’ ନାମକ ଏକ ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି। ଆଜି ଜନ୍ମଦିନ ଅବସରରେ ଗର୍ବର ସହିତ ‘ତାନଭି ଦି ଗ୍ରେଟ୍’ର ନିର୍ଦ୍ଦେଶନା ଦେବାକୁ ନିଷ୍ପତି ନେଇଥିବା କହିଛନ୍ତି। ଅନୁପମ ଖେର କହିଛନ୍ତି ଯେ କିଛି କାହାଣୀ ନିଜ ରାସ୍ତା ଖୋଜିଥାଏ, ଦୁନିଆ ସହିତ ସେୟାର କରିବାକୁ ବାଧ୍ୟ କରିଥାଏ। ଏହି କାହାଣୀକୁ ଆରମ୍ଭ କରିବାକୁ ସବୁଠାରୁ ସହଜ ଉପାୟ ମୁଁ ଭାବୁଛି ମା ଦୁଲାରୀଙ୍କ ମନ୍ଦିର ଯାଇ ତାଙ୍କ ଆଶୀର୍ବାଦ ନେବା ସହ ମୋ ପିତାଙ୍କ ଆଶୀର୍ବାଦ ନେବି। ଅନୁପମ ଖେର ଗତ କିଛି ବର୍ଷ ହେବ ଏହି ଫିଲ୍ମ ପାଇଁ କାର୍ଯ୍ୟ କରୁଛନ୍ତି। ଏବଂ ଶେଷରେ ମହାଶିବରାତ୍ରି ଶୁଭ ଦିନଠାରୁ ଫିଲ୍ମର ସୁଟିଂ ଆରମ୍ଭ କରିବାକୁ ନିଷ୍ପତି ନେଇଛନ୍ତି। ଜନ୍ମଦିନ ଅବସରରେ ପ୍ରଶଂସକଙ୍କ ଠାରୁ ପ୍ରେମ, ଶୁଭେଚ୍ଛା ଓ ଆଶୀର୍ବାଦ କାମନା କରିଛନ୍ତି।
TANVI THE GREAT: Today, on my birthday I proudly announce the name of the film I have decided to direct. Some stories find their path and compel you to share it with the world! And the best way I thought to start is by taking the blessings of my mother #Dulari in her temple with… pic.twitter.com/Bei0U8WctM
— Anupam Kher (@AnupamPKher) March 7, 2024
