ଗୁରୁଡ଼ିଝାଟିଆ: ସ୍ୱାଧୀନତାର ଅମୃତ ମହୋତ୍ସବ ଉପଲକ୍ଷେ ଗୁରୁଡ଼ିଝାଟିଆ ମହାବିଦ୍ୟାଳୟ ପରିସରରେ ଓଡିଆଭାଷା, ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ଦେଶାତ୍ମବୋଧକ କବିତା ପାଠଚକ୍ର ଅନୁଷ୍ଠିତ ହୋଇଛି। ବିଶିଷ୍ଟ ଆଇନଜୀବି ତଥା ଫଣୀଭୂଷଣ ରଥଙ୍କ ମୁଖ୍ୟ ଅତିଥି ଭାବରେ ଯୋଗଦେଇ ଆୟୋଜିତ ଏହି କବିତା ପାଠୋତ୍ସବକୁ ଉଦଘାଟନ କରିଥିଲେ। ୨୦ଜଣ କବି ଓ କବୟିତ୍ରୀ ସ୍ୱଚରିତ କବିତା ପାଠ କରିଥିଲେ। ଡାକ୍ତର ଦୀନବନ୍ଧୁ ମହାରଣା ଙ୍କ ଅଧ୍ୟକ୍ଷତାରେ ଆୟୋଜିତ ଏହି ପାଠୋତ୍ସବରେ କବି ଅନିରୁଦ୍ଧ ନନ୍ଦ, ସୁବାସ ଚନ୍ଦ୍ର ନାୟକ, ରମ୍ଭାବତୀ ସାହୁ, ବସନ୍ତ କୁମାର ସାହାଣୀ, ବାସୁଦେବ ଥାଟୋଇ, ବିପିନ ବିହାରୀ ପ୍ରଧାନ, ସୁବାସ ଚନ୍ଦ୍ର ମହାନ୍ତି, ପ୍ରତାପ କିଶୋର ମହାପାତ୍ର, ରଞ୍ଜନ କୁମାର ସାହୁ, ପ୍ରଦୀପ କୁମାର ନାୟକ, ଡଃ ଦିଲ୍ଲିପ କୁମାର ପରିଡ଼ା ପ୍ରମୁଖ କବିତାପାଠ କରିଥିଲେ। ସାହିତ୍ୟିକ ସୁରେଶ ପ୍ରଧାନ ଅତିଥି ପରିଚୟ ଓ ସ୍ୱାଗତଭାଷଣ ପ୍ରଦାନ କରିଥିବା ବେଳେ ରଶ୍ମୀରଞ୍ଜନ ସାହାଣୀ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article