ଆଗ୍ରା: ବିବାହ ବେଦୀରେ ବରଣମାଳ ପିନ୍ଧା ବେଳେ ୩୦ଲକ୍ଷ ଟଙ୍କାର ଯୌତୁକ ଦାବି କରି ଗିରଫ ହୋଇଛନ୍ତି ବର ରବି କୁମାର। ଆଗ୍ରାରେ ପୁଲିସ କନଷ୍ଟେବଳ ଭାବେ କାର୍ଯ୍ୟରତ ରବି କୁମାରଙ୍କ ବାହାଘର ଗାଜିଆବାଦରେ ସ୍ଥିର ହୋଇଥିଲା। ବିବାହ କାର୍ୟ୍ୟ ଶେଷ ପର୍ୟ୍ୟାୟରେ ପହଞ୍ଚିଥିବାବେଳେ ରବି କୁମାର ୩୦ଲକ୍ଷ ଟଙ୍କା ଯୌତୁକ ଦାବି କରିଥିଲେ। ଏପରିକି କନ୍ୟା ବରଣମାଳ ପିନ୍ଧାଇବାକୁ ଯାଉଥିବାବେଳେ ଯୌତୁକ ବାବଦ ଅର୍ଥ ନଦେଲେ ଏହା ହୋଇପାରିବ ନାହିଁ ବୋଲି ରବି କହିଥିଲେ। କନ୍ୟା ପିତା ଏତେ ପରିମାଣର ଅର୍ଥ ଦେବାକୁ ଅକ୍ଷମତା ପ୍ରକାଶ କରିଥିଲେ। ଫଳରେ ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ହୋଇଥିଲା। ପରେ କନ୍ୟା ପିତା ପୁଲିସକୁ ଖବର ଦେଇଥିଲେ। ଖଣ୍ଡୌଲି ଥାନା ପୁଲିସ ଘଟଣାସ୍ଥଳରେ ପହଞ୍ଚି ରବିଙ୍କୁ ଗିରଫ କରିଥିଲା। ରବି ଓ ତାଙ୍କ ପିତାଙ୍କ ବିରୋଧରେ ପୁଲିସ ଭାରତୀୟ ନ୍ୟାୟ ସଂହିତା (ବିଏନଏସ୍)ର ଧାରା ୩୫୨ ଓ ଯୌତୁକ ନିରୋଧ ଆଇନର ଧାରା ୩ ଓ ୪ରେ ମାମଲା ରୁଜୁ କରାଯାଇଛି।
Popular Categories
Previous article
Next article