ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ନାରାୟଣପୁର ଠାରେ ଆଜି ଅପରାହ୍ନରେ ଜନୈକ ବୃଦ୍ଧ କାନ୍ଥ ଭାଙ୍ଗି ଜିବାରୁ ତଳେ ଚାପି ହୋଇ ମୃତ୍ୟୁ ବରଣ କରିଥିବା ଜଣାପଡିଛି। ମୃତ ବୃଦ୍ଧ ଜଣଙ୍କ ନାରାୟଣପୁର ଗ୍ରାମର ଜି.ସୂର୍ଯ୍ୟନାରାୟଣ ରେଡ୍ଡୀ (୬୦) ହୋଇଥିବା ପୁଲିସ ସୂଚନା ଦେଇଛି। ଅଭିଯୋଗ ଅନୁଯାୟୀ ନାରାୟଣପୁର ମୁଖ୍ୟ ସାହିରେ ରହୁଥିବା ଦୁଇ ଭାଇ ଚିନ୍ତା ବେହେରା ଓ ଗୋବିନ୍ଦ ବେହେରା ଙ୍କ ମଧ୍ୟରେ ଲାଗି ରହିଥିବା ଘରୋଇ ବିବାଦ ସମାଧାନ ନିମନ୍ତେ ସୂର୍ଯ୍ୟନାରାୟଣ ପହଞ୍ଚି ଆଲୋଚନା କରୁଥିବା ସମୟରେ ଅଚାନକ ଏକ କାନ୍ଥ ଭାଙ୍ଗି ଯିବାରୁ ସୂର୍ଯ୍ୟନାରାୟଣ ଉକ୍ତ କାନ୍ଥ ତଳେ ଚାପି ହୋଇ ଯାଇଥିଲେ। ଘଟଣା ପରେ ତୁରନ୍ତ ସ୍ଥାନୀୟ ଲୋକମାନେ ଆହାତ ହୋଇଥିବା ସୂର୍ଯ୍ୟନାରାୟଣ ଙ୍କୁ ବଡ ମେଡିକାଲ ନେଇଥିଲେ। କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏଥିନେଇ ଗୋପାଳପୁର ଥାନାରେ ଲିଖିତ ଅଭିଯୋଗ ପରେ ପୁଲିସ ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରିବା ସହ ମୃତଦେହକୁ ଜବତ କରି ଶବାଗୃହ ରେ ରଖିଥିବା ବେଳେ ରବିବାର ବ୍ୟବଛେଦ କରାଯାଇ ପରିବାରକୁ ହସ୍ତାନ୍ତର କରିବେ ବୋଲି ଜଣାପଡିଛି।
Comments are closed.