ଗୋପାଳପୁର: ଗୋନନ୍ଥରା ଥାନା ଅନ୍ତର୍ଗତ ଜାତୀୟ ରାଜପଥ ନଂ ୧୬ ଅନ୍ତର୍ଗତ ହଳଦିଆପଦର ଅଟୋ ନଗର ଛକରେ ସନ୍ଧ୍ୟା ସାଢ଼େ ବେଳେ ଠାରେ ଟ୍ରକ ଧକ୍କାରେ ମୋଟରସାଇକେଲ ଚାଳକଙ୍କ ମୃତ୍ୟୁ ଘଟିଥିବା ଜଣାପଡିଛି। ଆଜି ଗୋନଳ୍ଥରାରୁ ବ୍ରହ୍ମପୁର ପଟକୁ ଏକ ମୋଟରସାଇକେଲ ଯାଉଥିବା ସମୟରେ ପଛପଟୁ ଆସୁଥିବା ଏକ ଟ୍ରକ ଧକ୍କା ଦେଇଥିଲା ଫଳରେ ଚାଳକ ଜଣଙ୍କ ଟ୍ରକ ଚକା ତଳେ ପଡିଯାଇଥିଲେ। ଟ୍ରକର ଚକାଟି ମୋଟରସାଇକେଲ ଚାଳକର ମୁଣ୍ଡ ଉପରେ ଚଢି ଯିବାରୁ ଘଟଣା ସ୍ଥଳରେ ତାର ମୃତ୍ୟୁ ଘଟିଥିଲା। ମୃତ ବ୍ୟକ୍ତି ଜଣଙ୍କ ଶେରଗଡ ଥାନା ଅନ୍ତର୍ଗତ କୁରଳା ଗ୍ରାମର ମଙ୍ଗୁଳୁ ବାଡତିଆ(୨୮) ବୋଲି ଜଣାପଡିଛି। ମଙ୍ଗଳୁ ତାଙ୍କ ସାଙ୍ଗଙ୍କ ମୋଟରସାଇକେଲକୁ ଆଣି ବ୍ରହ୍ମପୁର ଫେରୁଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାପଡିଛି। ଦୁର୍ଘଟଣା ପରେ ଜାତୀୟ ରାଜପଥ ରେ ଜାମ ଦେଖିବାକୁ ମିଳିଥିଲା।ଖବରପାଇ ଗୋଳନ୍ଥରା ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଛବତ କରିବା ସହ ଉଭୟ ଟ୍ରକ ଓ ମୋଟରସାଇକେଲ କୁ ଜବତ କରିଛି।
Popular Categories
Previous article
Next article