ଆମେ ଜାଣିଛୁ ଯେ, ବାର ଅନୁଯାୟୀ କେଉଁ ରଙ୍ଗର ପୋଷାକ ପିନ୍ଧିବା ଉଚିତ, କେଉଁ କାମ କରିବା ଉଚିତ। କିନ୍ତୁ ମହିଳାଙ୍କ ପାଇଁ ବାରର କ’ଣ ମହତ୍ତ୍ବ ତାହା ଜାଣିବା ଉଚିତ। ଜ୍ୟୋତିଷଶାସ୍ତ୍ର ଅନୁଯାୟୀ, ମହିଳାଙ୍କ ସ୍ବଭାବ ଓ ଚରିତ୍ର ଜାଣିବାକୁ ହେଲେ ହସ୍ତରେଖା ଉପରେ ବିଶ୍ବାସ କରିବାକୁ ପଡେ। କିନ୍ତୁ କେତେକଙ୍କ ମତ ଅନୁଯାୟୀ, ଜନ୍ମ ବାରରୁ ମହିଳାଙ୍କ ବିଷୟରେ ଅନେକ କଥା ଜାଣି ହୋଇଥାଏ। ଆସନ୍ତୁ ଜାଣିବା କେଉଁ ବାରରେ ଜନ୍ମ ହେଲେ ମହିଳାମାନଙ୍କ ସ୍ବଭାବ କିପରି ହୋଇଥାଏ …
ରବିବାର : ରବିବାରରେ ଜନ୍ମ ହୋଇଥିବା ନାରୀମାନେ ଭଗବାନଙ୍କ ଉପରେ ଗଭୀର ବିଶ୍ବାସ ରଖିଥାଆନ୍ତି। ଏହି ନାରୀମାନେ ଦାନ ପରି ପୁଣ୍ୟ କାମ କରିବାକୁ ଅଧିକ ପସନ୍ଦ କରିଥାଆନ୍ତି। ଏହାସହ ସେମାନେ ଶକ୍ତିଶାଳୀ ଓ ଶାନ୍ତିପୂର୍ଣ୍ଣ ମନୋଭାବର ହେବା ସହ ଚାଲାକ ମଧ୍ୟ ଅଟନ୍ତି।
ସୋମବାର : ସୋମବାର ଦିନ ଜନ୍ମ ହୋଇଥିବା ଝିଅମାନେ ଦେଖିବାକୁ ପାଇଁ ସୁନ୍ଦର ହୋଇଥାଆନ୍ତି। ଏମାନଙ୍କର ମନ ନିର୍ମଳ ହୋଇଥାଏ। ସେମାନେ ମିଠା କଥା କହି ସମସ୍ତଙ୍କ ମନ ଜିତି ନେଇଥାଆନ୍ତି। ସେମାନଙ୍କ ଜୀବନ ସୁଖମୟ ଓ ଶାନ୍ତି ପୂର୍ଣ୍ଣ ହୋଇଥାଏ ।
ମଙ୍ଗଳବାର : ମଙ୍ଗଳବାର ଦିନ ଜନ୍ମ ହୋଇଥିବା ନାରୀମାନେ ସ୍ୱଭାବରେ ସାଧାରଣତଃ ଶକ୍ତ ହୋଇଥାଆନ୍ତି । ସେମାନେ ଶୀଘ୍ର କାହା ଉପରେ ବିଶ୍ୱାସ କରି ପାରନ୍ତି ନାହିଁ । ମିଛ କଥା କହୁଥିବା ଲୋକଙ୍କୁ ଏମାନେ ପସନ୍ଦ କରନ୍ତି ନାହିଁ । ଏହି ନାରୀମାନେ ସର୍ବଦା ଠିକ କଥା କହିଥାଆନ୍ତି ।
ବୁଧବାର : ବୁଧବାର ଜନ୍ମ ହୋଇଥିବା ନାରୀମାନେ ଶିକ୍ଷା କ୍ଷେତ୍ରରେ ବହୁ ଆଗକୁ ଯାଇଥାଆନ୍ତି। କାରଣ ଏମାନଙ୍କ ଉପରେ ମା’ ସରସ୍ୱତୀଙ୍କ ଆର୍ଶୀବାଦ ସବୁବେଳେ ରହିଥାଏ । ଏହି ନାରୀମାନେ ଦେଖିବା ପାଇଁ ସୁନ୍ଦରୀ ହେବା ସହ ହୃଦୟ କୋମଳ ହୋଇଥାଏ। ଏହି ନାରୀମାନେ ଅନେକ କଳାର ଅଧିକାରିଣୀ ହୋଇଥାଆନ୍ତି। ସମସ୍ତ କ୍ଷେତ୍ରରେ ନିଜର ଦକ୍ଷତା ଦେଖାଇବାରେ ସଫଳ ଅଟନ୍ତି।
ଗୁରୁବାର : ଗୁରୁବାର ବାରରେ ଜନ୍ମ ହୋଇଥିବା ନାରୀମାନଙ୍କୁ ସର୍ବଗୁଣ ସଂପୂର୍ଣ୍ଣା କୁହାଯାଇଥାଏ। ଏହି ନାରୀମାନେ ଶିକ୍ଷା କ୍ଷେତ୍ରରେ ଉନ୍ନତି କରିବା ସହ ସବୁ କାର୍ଯ୍ୟରେ ସଫଳ ହୋଇଥାଆନ୍ତି। ଏହି ବାରରେ ଜନ୍ମ ହୋଇଥିବା ନାରୀଙ୍କ ଉପରେ ମା’ଲକ୍ଷ୍ମୀଙ୍କ ଆଶୀର୍ବାଦ ରହିଥାଏ । ତେଣୁ ଏମାନେ ଧନ ସମ୍ପତ୍ତିର ସୁଖ ଭୋଗ କରିଥାଆନ୍ତି ।
ଶୁକ୍ରବାର : ଶୁକ୍ରବାର ଜନ୍ମ ହୋଇଥିବା ନାରୀମାନେ ଚଞ୍ଚଳ ସ୍ୱଭାବର ହୋଇଥାଆନ୍ତି। ଏମାନେ ମଉଜମସ୍ତି କରିବା ପାଇଁ ଭଲ ପାଆନ୍ତି। ଏହାସହ ବିଳାସମୟ ଜୀବନଯାପନ କରିବାକୁ ମଧ୍ୟ ଇଚ୍ଛା କରନ୍ତି। ଏହି ନାରୀମାନଙ୍କ ଚିନ୍ତାଧାର ଓ ଭାବନା ଅତି ଉତ୍ତମ ହୋଇଥାଏ।
ଶନିବାର : ଶନିବାର ଜନ୍ମ ହୋଇଥିବା ନାରୀମାନଙ୍କ ଉପରେ ଭଗବାନ ଶନିଙ୍କ କୃପା ରହିଥାଏ । ଏମାନେ ସ୍ୱଭାବରେ ରାଗି ହୋଇଥିଲେ ମଧ୍ୟ ନିଜସ୍ୱ ପରିଚୟ ସୃଷ୍ଟି କରିପାରନ୍ତି । ଏମାନେ ସ୍ୱାଭିମାନୀ ଓ ଆତ୍ମନିର୍ଭରଶୀଳ ହୋଇଥାନ୍ତି । ନିଜ କାମକୁ ନିଜେ ପସନ୍ଦ କରିବାକୁ ବହୁତ ଭଲପାଆନ୍ତି । ଅନ୍ୟ କାହା ଉପରେ ନିର୍ଭର କରିବା ଏମାନଙ୍କୁ ପସନ୍ଦ ନୁହେଁ।
