ଝୁମ୍ପୁରା : ଝୁମ୍ପୁରା ଗାୟତ୍ରୀ ପରିବାର ପକ୍ଷରୁ ଅର୍ଶଳା ପଞ୍ଚାୟତର ଦୁର୍ଗାପୁର ଠାରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଝୁମ୍ପୁରା ଗାୟତ୍ରୀ ପରିବାର ବରିଷ୍ଠ ସଦସ୍ୟ ସୁବଳ ଭାଇ, ବାବୁଲୁ ଭାଇ, ଶ୍ରୀମତୀ ଭଉଣୀ, ମମତା ରାଣୀ ମହାନ୍ତ, ଗୀତାରାଣୀ ମହାନ୍ତ, ଅଭିମନ୍ୟୁ ମହାନ୍ତ, କ୍ଷୀରୋଦ ଚନ୍ଦ୍ର ମହାନ୍ତ, ସସ୍ମିତା ମହାନ୍ତ ପ୍ରମୁଖ ଯୋଗଦାନ କରିଥିଲେ । ଗାୟତ୍ରୀ ପରିବାର ତରଫରୁ ନିଜସ୍ୱ ଉଦ୍ୟମରେ ଆମ୍ବ, କାଜୁ, ସଜନା, ଅମୃତ ଭଣ୍ଡା, ପିଆଶାଳ, ଗମ୍ଭାରୀ, ଲିଚୁ, ପିସ୍ତାବାଦମ, କରମଙ୍ଗା, ପିଜୁଳି, ଲେମ୍ବୁ, କମଳା, ସହିତ ଗୁଳ୍ମ ଜାତୀୟ ଔଷଧିୟ ବୃକ୍ଷ ଚାରା ରୋପଣ କରିଛନ୍ତି । ଚାରା ରୋପଣ କରିବା ସମୟରେ ଗାୟତ୍ରୀ ପରିବାର ସଦସ୍ୟ ମାନେ ଗଛ ମୂଳରେ ଜୈବିକ ଖତ ସହିତ ପୋକ ଦାଉରୁ ରକ୍ଷା ନିମନ୍ତେ କୀଟନାଷକ ଔଷଧ ପକାଇ ଚାରା ଗଛ ଗୁଡିକ ଲଗାଇଥିବା ଦେଖିବାକୁ ମିଳିଥିଲା । ଚାରା ରୋପଣ କାର୍ୟ୍ୟକ୍ରମରେ ଝୁମ୍ପୁରା ବ୍ଲକର ବିଭିନ୍ନ ଗ୍ରାମରେ ରହିଥିବା ଗାୟତ୍ରୀ ପରିବାର ଭାଇ ଭଉଣୀ ମାନେ ଯୋଗଦାନ କରି ଚାରା ରୋପଣ କାର୍ଯ୍ୟରେ ସହଯୋଗ କରିଥିବା ଦେଖିବାକୁ ମିଳିଥିଲା। ଚାରା ଗଛ ବଞ୍ଚିବା ପରେ ଚାରା ଲାଗିଥିବା ଚାରିପାଖକୁ ବାଡ ଦେଇ ଗଛ ଗୁଡିକୁ ସୁରକ୍ଷା ଦେବାର ବ୍ୟବସ୍ଥା କରାଯିବ ବୋଲି ଗାୟତ୍ରୀ ପରିବାର ସଦସ୍ୟ ମାନେ ସୂଚନା ପ୍ରଦାନ କରିଛନ୍ତି । ଦୁର୍ଗାପୁର ଠାରେ ଗାୟତ୍ରୀ ପରିବାର ତରଫରୁ ୨୫୦ଟି ଚାରା ଗଛ ରୋପଣ କରାଯାଇଥିବା ଜଣାଯାଇଛି ।
Comments are closed.