ଗଞ୍ଜାମ : ଗଞ୍ଜାମ ବିଜ୍ଞାପିତ ଅଞ୍ଚଳରେ ବର୍ତମାନ ପରିମଳ ସେବା ବିପର୍ଯ୍ୟସ୍ତ ହୋଇ ପଡିଛି। ଫଳରେ ୧୨ଟି ୱାର୍ଡରେ ତିନି ଦିନ ହେଲାଣି ଅଳିଆ ପଡ଼ି ରହିଛି। ଯାହାକୁ ନେଇ ସାଧାରଣରେ ଉଦବେଗ ପ୍ରକାଶ ପାଇଛି। ପରିମଳ କାର୍ଯ୍ୟରେ ନିୟୋଜିତ କର୍ମଚାରୀଙ୍କ ଦରମା ମିଳିନାହିଁ। ଯାହାକୁ ନେଇ କର୍ମଚାରୀ ମାନେ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ଫଳରେ ସହର ସାରା ବର୍ତମାନ ଅଳିଆ ଗଦା ହୋଇଛି।
ବର୍ଷା ଦିନ ଯୋଗୁଁ ସେହି ଅଳିଆରେ ପାଣି ପଡିବା ଫଳରେ ଗନ୍ଧ ସୃଷ୍ଟି ହେଉଛି। ଯାହାକୁ ନେଇ ଲୋକମାନେ ଯାତାୟାତ ବେଳେ ଅସୁବିଧାର ସମ୍ମୁଖୀନ ହେଉଛନ୍ତି। ସେହିପରି ବିଭିନ୍ନ ସାହି ଯଥା ରଘୁନାଥ ସାହି ମୁହଁରେ ଅଳିଆ ଗଦା ହୋଇଛି। ଓଡ଼ିଆ ଢମଣା ସାହି, ବଡ଼ ବଜାର, ସାନ ବଜାର, ତଥା ଅନ୍ୟାନ ସ୍ଥାନରେ ତିନି ଦିନ ହେଲା ଅଳିଆ ପଡ଼ିରହିଛି। ଏହି ସମସ୍ୟାର ସମାଧାନ ପାଇଁ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ଦାବୀ ହେଉଛି ।
ଏନେଇ ବିଜ୍ଞାପିତ ଅଞ୍ଚଳ ପରିଷଦର କାର୍ଯ୍ୟନିର୍ବାହୀ ଅଧିକାରୀ ଯୋଗାଯୋଗ ବେଳେ ସେ କହିଛନ୍ତି , ପରିମଳ ସେବା ତିନି ଦିନ ହେଲା ବନ୍ଦ ରହିଛି। ସଫେଇ କର୍ମଚାରୀଙ୍କୁ ଏକ ମାସର ଦରମା ସଂସ୍ଥା ଦେଇନାହିଁ । ଏନେଇ ସେ ଜିଲ୍ଲା ପ୍ରଶାସନକୁ ଅବଗତ କରେଇଥିବା କହିଛନ୍ତି । ଏହାର ସମାଧାନ ଯଥା ଶୀଘ୍ର କରିବାକୁ ବିଭିନ୍ନ ମହଲରୁ ଦାବୀ ହେଉଛି।
Comments are closed.