ଗଞ୍ଜାମ: ଗଞ୍ଜାମ ସହରରେ ଦୀର୍ଘ ଦିନ ହେଲା ଭେଣ୍ଡି ଜୋନ ନିର୍ମାଣ ପାଇଁ କାଗଜ କଲମରେ କେବଳ ଚେଷ୍ଟା ଚାଲିଛି। ତାହା କେବେ ବାସ୍ତବ କାମରେ ଲାଗିବ ତାହା କାହାରିକୁ ଜଣାନାହିଁ। ଫଳରେ ଏହି ସମସ୍ୟା ପାଇଁ ସହରରେ ଉଠା ଦୋକାନୀମାନେ ଘୋର ଅସୁବିଧା ସମ୍ମୁଖୀନ ହେଉଛନ୍ତି। ତାଙ୍କ କଥା ବୁଝିବାକୁ କେହିନାହିଁ। ଏନେଇ ଉଠା ଦୋକାନୀମାନେ ଓ ବଡ଼ ବଜାର ବଣିକ ସଙ୍ଘ ପକ୍ଷରୁ ଅନେକ ଥର ଅଭିଯୋଗ କରିଥିଲେ ମଧ୍ୟ ଭେଣ୍ଡି ଜୋନ ନିର୍ମାଣ ହେଇପାରୁନାହିଁ। ଯାହା ଫଳରେ ଉକ୍ତ ବ୍ୟବସାୟୀ ମାନେ ଖରା, ବର୍ଷା, କାକରରେ ବସି ବିକ୍ରିବଟା କରୁଛନ୍ତି। ଯାହା ଫଳରେ ସେମାନଙ୍କୁ ଘୋର ଅସୁବିଧାରେ ରହିବାକୁ ପଡୁଛି।
ସୂଚନାଯୋଗ୍ୟ ଯେ, ଗଞ୍ଜାମ ବିଜ୍ଞାପିତ ଅଂଚଳ ପରିଷଦ ପକ୍ଷରୁ ବିଭିନ୍ନ ସମୟରେ ଭେଣ୍ଡି ଜୋନ ପାଇଁ ସ୍ଥାନ ଚିହ୍ନଟ ହେଉଛି। ତାହା କାର୍ଯ୍ୟକାରୀ ହେଉନାହିଁ। ଏଥିପାଇଁ ଗତ କିଛି ଦିନ ତଳେ ପୁଣି ଗଞ୍ଜାମ ଏନଏସି ପକ୍ଷରୁ କାର୍ଯ୍ୟ ନିର୍ବାହୀ ଅଧିକାରୀ କନିଷ୍ଟ ଯନ୍ତ୍ରୀଙ୍କ ଉପସ୍ଥିତ ରେ ସ୍ଥାନ ଚି଼ହ୍ନଟ କରାଯାଇଛି। ସାନ ବଜାର ଶନି ମନ୍ଦିର ଓ ଭାରତୀ ବିଦ୍ୟାପୀଠ ମିନି ଷ୍ଟାଡିଅମ ସମୁଖରେ ଭେଣ୍ଡିଂ ଜୋନ ନିର୍ମାଣ ପାଇଁ ଦେଖା ହୋଇଥିଲା। ଗଞ୍ଜାମ ଏନଏସି ପକ୍ଷରୁ ଗତ କିଛି ବର୍ଷ ହେଲା ଏଭଳି ସ୍ଥାନ ଦେଖା ହେଉଛି କିନ୍ତୁ ପରବର୍ତୀ ସମୟରେ ତାହା କାର୍ଯ୍ୟକାରୀ ହେଉନି। ପ୍ରଶାସନିକ ଅଧିକାରୀଙ୍କ ନିଷ୍କ୍ରିୟତା ଯୋଗୁଁ କୌଣସି କାର୍ଯ୍ୟ ଏଠାରେ ହେଉନାହିଁ ବୋଲି ବ୍ୟବସୟୀମାନେ କହିଛନ୍ତି। ଏନଏସି ଇଓ ରୋନିତ କୁମାର ପ୍ରତିକ୍ରିୟାରେ କହିଛନ୍ତି ଯେ ଭେଣ୍ଡି ଜୋନ ନିର୍ମାଣ ପାଇଁ ଯୋଜନା ଚାଲିଛି ବୋଲି ସଫେଇ ଦେଇଛନ୍ତି।
