QNETIC – Mobile

୩ ଲକ୍ଷ ଟଙ୍କାର ଗଞ୍ଜେଇ ଜବତ, ଜଣକୁ ଅଦାଲତ ଚାଲାଣ

ତିଗିରିଆ :  ଦିନକୁ ଦିନ ବିଭିନ୍ନ ପ୍ରକାରର ନିଶାଦ୍ରବ୍ୟର ବେଆଇନ୍ କାରବାର ବୃଦ୍ଧି ପାଉଥିବାରୁ ଏହାକୁ ପ୍ରତିରୋଧ କରିବାକୁ ଅବକାରୀ ବିଭାଗ ପକ୍ଷରୁ ଉଦ୍ୟମ ଜାରି ରହିଛି। ଏହାକୁ ଦୃଷ୍ଟିରେ ରଖି ଅବକାରୀ ଅଧୀକ୍ଷକ ଦେବାଶିଷ ପଟେଲଙ୍କ ନିର୍ଦ୍ଦେଶ କ୍ରମେ ଅବକାରୀ ଉପ ଅଧିକ୍ଷକ ପ୍ରମୋଦ କୁମାର ପଣ୍ଡାଙ୍କ ତତ୍ତ୍ଵାବଧାନରେ ଗୁରୁବାର କଟକ ଜିଲ୍ଲା  ତିଗିରିଆ ଥାନା ଅନ୍ତର୍ଗତ ନୂଆସଡକ  ଠାରେ  ଅବକାରୀ ବିଭାଗ  ପକ୍ଷରୁ  ଚଡାଉ  କରାଯାଇ ଜଣେ ଯୁବକଙ୍କ ପାଖରୁ ଚୋରାରେ ବିକ୍ରି ପାଇଁ ନିଆଯାଉଥିବା ୩୦ କେଜି ଗଞ୍ଜେଇ ଜବତ କରାଯିବା ସହ ଅଭିଯୁକ୍ତ କନ୍ଧମାଳ ଜିଲ୍ଲା ଜି ଉଦୟଗିରିର ଟୁନ୍ ଟୁନ୍ ଚୌଧୁରୀ (୪୪)କୁ ଗିରଫ କରାଯାଇଛି। ଜବତ ଗଞ୍ଜେଇର ମୂଲ୍ୟ ପ୍ରାୟ ୩ ଲକ୍ଷ ଟଙ୍କା ହୋଇଥିବା ବେଳେ ଏହା କଲିକତାକୁ ଚାଲାଣ କରୁଥିବା ଅଭିଯୁକ୍ତ ସୁଚନା ଦେଇଛି। ଅଭିଯୁକ୍ତ ନାମରେ ଅବକାରୀ ମାମଲା ରୁଜୁ କରାଯଇ ତାକୁ ଅଦାଲତ ଚାଲାଣ କରାଯାଇ ଥିବା ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି। ଏହି ଚଡାଉରେ ଆଠଗଡ଼ ଅବକାରୀ ନିରୀକ୍ଷକ କେଶବ ଚନ୍ଦ୍ର ଦାସଙ୍କ ସହିତ ଉପନିରୀକ୍ଷକ ସୌମ୍ୟରଞ୍ଜନ ମାଝୀ, ସହକାରୀ ଉପନିରୀକ୍ଷକ ପଙ୍କଜ କଅଁର, ସନ୍ତୋଷ କୁମାର ମହାରଣା, ସନାତନ ବେହେରାଙ୍କ ସମେତ ସମସ୍ତ କର୍ମଚାରୀ ଅଂଶ ଗ୍ରହଣ କରିଥିଲେ।

Comments are closed.