ଉତ୍ତର ଭୁବନେଶ୍ଵର: କମିଶନରେଟ ପୁଲିସର ସହିଦ ନଗର ଥାନା ପୁଲିସ ରବିବାର ୪୫ କିଲୋରୁ ଊର୍ଦ୍ଧ୍ବ ଗଞ୍ଜେଇ ଜବତ କରିଥିବା ବେଳେ ଦିଲ୍ଲୀର ଦୁଇ ଜଣ ଯୁବକଙ୍କୁ ଗିରଫ କରିଛି। ପୁଲିସ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି ଯେ, ଅନିରୁଦ୍ଧ ମିଶ୍ର ଓ ମନୀଷ କୁମାର ନାମକ ଦୁଇ ଜଣ ଯୁବକ VRL କୋରିଅର ମାଧ୍ୟମରେ ତିନୋଟି ପ୍ୟାକେଟରେ ପୋଷାକ ପଠାଇବା ବାହାନାରେ ୪୫ କିଲୋରୁ ଊର୍ଦ୍ଧ୍ବ ଗଞ୍ଜେଇ ଚାଲାଣ କରୁଥିଲେ। ଏହି ଖବର ପାଇ ସହିଦ ନଗର ପୁଲିସ ପହଞ୍ଚି ସବୁ ଗଞ୍ଜେଇ ପ୍ୟାକେଟକୁ ଜବତ କରିଛି। ଏହି ଗଞ୍ଜେଇକୁ ସେମାନେ ବସ ଦ୍ୱାରା ଗଜପତି ମୋହନାରୁ ଭୁବନେଶ୍ୱର ଆଣି ତାକୁ କୋରିଅର ଦ୍ୱାରା ଦିଲ୍ଲୀ ଚାଲାଣ କରିବାକୁ ଉଦ୍ୟମ କରୁଥିଲେ। ଏ ସମ୍ପର୍କରେ ପୋଲିସ ଅଧିକ ତଦନ୍ତ ଜାରି ରଖିଛି।
Popular Categories
Previous article
Next article