ଗଡମଧୁପୁର ଧର୍ମଶାଳା ବ୍ଲକ ୧୨ନଂ ଜୋନର ଲୋକମାନଙ୍କ ସହିତ ସିଧା ସଳଖ ଆଭାସ ବୈଠକ ମାଧ୍ୟମରେ ଯୋଡି ହୋଇ ଲୋକଙ୍କ ସମସ୍ୟା ବୁଝିବା ସମୟରେ ବିଧାୟକ ଦେଇଥିବା ପ୍ରତିଶୃତି ରକ୍ଷା କରିଛନ୍ତି। ତାଙ୍କ ହସ୍ତକ୍ଷେପ ଫଳରେ ୧୨ଦିନର ବ୍ୟବଧାନ ପରେ ଆଜି ମଧୁପୁରଗଡ ପ୍ରଥମିକ ସ୍ୱାସ୍ଥ୍ୟକେନ୍ଦ୍ରରେ ବରିଷ୍ଟ(୪୫)ବର୍ଷର ଲୋକମାନଙ୍କୁ ଟୀକାକରଣ କରାଯାଇଛି। ଗତ ୧୨/୫ରେ ସ୍ଥାନୀୟ ବିଧାୟକ ଏକ ଆଭାସି(ଭର୍ଚୁଆଲ) ବୈଠକ ମାଧ୍ୟମରେ ୧୨ନଂ ଜୋନର ଗଡମଧୁପୁର ପଂଚାୟତର ଲୋକମାନଙ୍କ ସହିତ ଯୋଡି ହୋଇ କରୋନା ସଚେତନାତାର ସମିକ୍ଷା କରିବା ସହିତ ସମସ୍ୟା ଉପରେ ଜନମତ ସଂଗ୍ରହ କରିଥିଲେ। ସେଥିରେ ବିଧାୟକଙ୍କ ସହିତ ପଂଚାୟତ ସମିତି ଅଧ୍ୟକ୍ଷ ପ୍ରଭାତ ବଳବନ୍ତରାୟ, ବ୍ଲକ ସଭାପତି ଜଳଧର ମହାନ୍ତି, ବିଧାୟକ ପ୍ରତିନିଧି ନିର୍ମଳ ଚନ୍ଦ୍ର ପ୍ରଧାନ, ଜିଲାପରିଷଦ ସଦସ୍ୟା ପ୍ରଣତୀ ଲେଙ୍କା ପ୍ରମୁଖ ସାମିଲ ହୋଇ ସମସ୍ୟା ବିଷୟରେ ଅବଗତ ହୋଇଥିଲେ। ଗଡମଧୁପୁର ପଂଚାୟତର ବିଜେଡି ସଭାପତି ଜଗଦୀଶ ଜେନାମଣୀ, ସାମ୍ବାଦିକ ବସନ୍ତ ନାୟକ, ଅନିଲ ବଳ ପ୍ରମୁଖ ଧର୍ମଶାଳା ସ୍ୱାସ୍ଥ୍ୟକେନ୍ଦ୍ରରେ କରୋନା ଟିକା ପାଇଁ ଅଂଚଳର ଲୋକଙ୍କ ଭିଡ ଜମୁଥିବାରୁ ସ୍ଥାନୀୟ ମଧୁପୁରଗଡ ସ୍ୱାସ୍ଥ୍ୟକେନ୍ଦ୍ରରେ କରୋନା ଟିକା ପ୍ରଦାନ ନିମନ୍ତେ ବିଧାୟକଙ୍କୁ ଜଣାଇବାରୁ ବିଧାୟକ ଏହାର ସମାଧାନ ନିମନ୍ତେ ପ୍ରତିଶୃତି ଦେଇଥିଲେ।
ଫଳସ୍ୱରୁପ ଆଜି ଏହି ସ୍ୱାସ୍ଥ୍ୟକେନ୍ଦ୍ରରେ ଟୀକାକରଣର ଶୁଭାରମ୍ଭ ହୋଇଛି। କାର୍ଯ୍ୟକ୍ରମକୁ ଜିଲାପରିଷଦ ସଦସ୍ୟା ପ୍ରଣତୀ ଲେଙ୍କା ଆନୁଷ୍ଠାନିକ ଭାବରେ ଉଦଘାଟନ କରିଥିଲା ବେଳେ ପଂଚାୟତ ସଭାପତି ଜଗଦୀଶ ଜେନାମଣି, ଆୟୁସ ଡା. ସଞ୍ଜୟ କୁମାର ଓଝା ଓ ସାମ୍ବାଦିକମାନେ ଉପସ୍ଥିତ ଥିଲେ। ଟୀକାକରଣ ପାଞ୍ଚଦିନ ଧରି ଚାଲିବାକୁ ରହିଥିବା ଗୋଷ୍ଠିସ୍ୱାସ୍ଥ୍ୟ କେନ୍ଦ୍ର ଅଧିକାରୀ ସୁଧିର କମାର ସାହୁ ଜଣାଇଛନ୍ତି। ଟିକାକରଣର ପ୍ରଥମ ଦିନରେ ଶହେ ଲୋକ ଟୀକା ନେଇଥିବା ବେଳେ ପାଞ୍ଚଦିନରେ ପାଞ୍ଚ ଶହ ବରିଷ୍ଟ ୪୫ବର୍ଷରୁ ଅଧିକ ପୁରୁଷ ଓ ମହିଳାଙ୍କୁ ଏଥିରେ ସାମିଲ କରାଯିବ। ଏଠାରେ ସୂଚାରୁରୁପେ ଟୀକାକରଣର ବ୍ୟବସ୍ଥା କରାଇଥିବାରୁ ସ୍ଥାନୀୟ ଲୋକେ ବିଧାୟକଙ୍କୁ ସାଧୁବାଦ ଜଣାଇଛନ୍ତି।
ମଧୁପୁରଗଡ ସ୍ୱାସ୍ଥ୍ୟ କେନ୍ଦ୍ରରେ କରୋନା ଟୀକାକରଣ
Popular Categories
Previous article
Next article