ଡେସ୍କ: ଜି-୨୦ ସମ୍ମିଳନୀ ପାଇଁ ବିଭିନ୍ନ ସ୍ଥାନର ରଖାଯାଇଥିବା ଛଦ୍ମନାମ ଏବେ ସାମ୍ନାକୁ ଆସିଛି। ବିଦେଶାଗତ ପ୍ରତିନିଧିମାନେ ଅବସ୍ଥାନ କରୁଥିବା ଦିଲ୍ଲୀର ବିଭିନ୍ନ ପଞ୍ଚତାରକା ହୋଟେଲର ଠାର ଶବ୍ଦ ବା କୋଡ୍ ୱାର୍ଡ ରଖାଯାଇଥିଲା। ସମ୍ମିଳନୀ ସ୍ଥଳର ନାମ ମଧ୍ୟ ଛଦ୍ମ ରଖାଯାଇଥିଲା। ସୁରକ୍ଷା ଦୃଷ୍ଟିରୁ ଦିଲ୍ଲୀ ପୁଲିସ ଏପରି କରିଥିଲା ଓ ଏହି ନାମରେ ଆଭ୍ୟନ୍ତରୀଣ ଯୋଗାଯୋଗ ଚଳାଇଥିଲା। ସୂଚନାନୁଯାୟୀ, ଆମେରିକା ରାଷ୍ଟ୍ରପତି ରହୁଥିବା ମୌର୍ଯ୍ୟ ସେରାଟନ୍ ହୋଟେଲର ନାମ ‘ପାଣ୍ଡୋରା’ ରଖାଯାଇଥିଲା। ଋଷି ସନକ ରହୁଥିବା ହୋଟେଲର ନାମ ଥିଲା ‘ସମରା’। ରାଜଘାଟର ନାମ ‘ରୁଦ୍ରପୁର’ ଥିଲାବେଳେ ସମ୍ମିଳନୀ ସ୍ଥଳ ପ୍ରଗତି ମଇଦାନର ନାମ ‘ନିକେତନ’ ଥିଲା। ହୋଟେଲ ଲି ମେରିଡିଆନ୍ର ନାମ ‘ମହାବୋଧି’, ତାଜ୍ ମାନ୍ସିଂହର ନାମ ‘ପାରାମାଉଣ୍ଟ’ ରଖାଯାଇଥିଲା। ଏସବୁ କେବଳ ସ୍ବରାଷ୍ଟ୍ର ମନ୍ତ୍ରଣାଳୟର ଉଚ୍ଚ ଅଧିକାରୀମାନଙ୍କୁ ଜଣାଥିଲା।
ଜି-୨୦: ସୁରକ୍ଷା ଦୃଷ୍ଟିରୁ ଦିଆଯାଇଥିଲା ଠାର ଶବ୍ଦ, ରାଜଘାଟକୁ ରୁଦ୍ରପୁର ଓ ପ୍ରଗତି ମଇଦାନକୁ ନିକେତନ
Popular Categories
Previous article
Next article