ଜି ଉଦୟଗିରି : କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ବେରେଡାକିଆ ପଞ୍ଚାୟତ ନିକଟସ୍ଥ ରାମୁଣ୍ଡା ବୁଲାଣି ରାସ୍ତାରେ ଏକ ବାଇକ୍ ଆରୋହୀ ଭାରସାମ୍ୟ ହରାଇ ରାସ୍ତାରେ ପଡିବାରୁ ତାଙ୍କର ମୃତ୍ୟୁ ହୋଇଛି । ସ୍ଥାନୀୟ ଲୋକଙ୍କ ଠାରୁ ଖବର ପାଇ ଅଗ୍ନିଶମ ବିଭାଗ କର୍ମଚାରୀ ଏବଂ ରାଇକିଆ ପୁଲିସ ଘଟଣାସ୍ଥଳରେ ପହଞ୍ଚି ଆହତ ବ୍ୟକ୍ତିଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ଉକ୍ତ ବ୍ୟକ୍ତିଙ୍କୁ ମୃତ ଘୋଷଣା କରିଥିଲେ।
ମିଳିଥିବା ସୂଚନା ଅନୁଯାୟୀ ବ୍ରାହ୍ମଣୀ ଗାଁ ଥାନା ଅନ୍ତର୍ଗତ ଧୁସାରି ଗ୍ରାମର ଭଗବାନ ପ୍ରଧାନ(୪୫) ରୁତୁଙ୍ଗିଆ ଗ୍ରାମର ଚର୍ଚ୍ଚରେ ପାଳକ ଭାବେ କାର୍ଯ୍ୟ କରୁଥିଲେ। ଶନିବାର ସକାଳୁ ରୁତୁଙ୍ଗିଆ ଠାରୁ ଜି ଉଦୟଗିରିକୁ ଅଫିସ କାର୍ଯ୍ୟରେ ହିରୋ ବାଇକ୍ ଓଡି୧୨ସି ୯୩୫୫ ଯିବାର ପ୍ରାୟ ୧୦ ଘଣ୍ଟା ସମୟରେ ରାମଣ୍ଡା ବୁଲାଣିରେ ଭାରସାମ୍ୟ ହରାଇ ଦୁର୍ଘଟଣା ଘଟିଛି।ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ରାଇକିଆ ଥାନା ଅଧିକାରୀ ରମାକାନ୍ତ ପାତ୍ରଙ୍କ ଠାରୁ ସୂଚନା ମିଳିଛି।
