ଜି ଉଦୟଗିରି : ସର୍ବ ଭାରତୀୟ ନୀଟ ପରୀକ୍ଷାରେ ୭୨୦ରୁ ୬୬୫ନମ୍ୱର ରଖି ଜି ଉଦୟଗିରି ବ୍ଲକରେ ଟପ୍ପର ହୋଇଛନ୍ତି ମାମାଲିନି ମହାନ୍ତି । ସବୁଜ ବଣ ପାହାଡ ଘେରା କନ୍ଧମାଳ ଜିଲ୍ଲା ଅନ୍ତର୍ଗତ ଜି ଉଦୟଗିରି ସରସ୍ଵତୀ ଶିଶୁ ମନ୍ଦିରରେ ୫ମ ପର୍ୟ୍ୟନ୍ତ ଅଧ୍ୟୟନ ପରେ ନବୋଦୟ ପରୀକ୍ଷାରେ ଉତ୍ତୀର୍ଣ୍ଣ ହୋଇ ଫୁଲବାଣୀ ଠାରେ ଅଧ୍ୟୟନ ସାରିବା ପରେ ମାମାଲିନି ସର୍ବ ଭାରତୀୟ ନୀଟ ପରୀକ୍ଷାରେ ଜି ଉଦୟଗିରି ବ୍ଲକରେ ଟପ୍ପର ହୋଇଛନ୍ତି । ଆଗାମୀ ଦିନରେ ସେ ଡାକ୍ତର ହୋଇ ଗ୍ରାମାଞ୍ଚଳରେ ରୋଗୀ ସେବା କରିବେ ବୋଲି ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି । ପ୍ରକାଶ ଥାଉକି ବାପା ଜାନକୀ ବଲ୍ଲଭ ମହାନ୍ତି ଜଗତସିଂପୁର ଜିଲ୍ଲାରେ ଉଚ୍ଚ ବିଦ୍ୟାଳୟରେ ବିଜ୍ଞାନ ଶିକ୍ଷକ ଭାବେ କାର୍ୟ୍ୟ କରୁଥିବାବେଳେ ମାଆ ନିରୁପମା ଜେନା କନ୍ଧମାଳ ଜିଲ୍ଲାର ଜି ଉଦୟଗିରି ବ୍ଲକ ଅନ୍ତର୍ଗତ ବାଉଡ଼ିନାଯୁ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରୁଥିବା ଜଣାପଡିଛି ।
Comments are closed.