ନୂଆଦିଲ୍ଲୀ : ଖରାଦିନେ ବୁନ୍ଦେଲଖଣ୍ଡରେ ସମସ୍ତେ ବରକୋଳି ଖାଇବାକୁ ପସନ୍ଦ କରନ୍ତି । ଏଠାରେ ଲୋକମାନେ ଏହାକୁ ଶୁଖାଇ ଶୀତ ଦିନ ପାଇଁ ମଧ୍ୟ ରଖନ୍ତି । କିନ୍ତୁ ଏକ ଛୋଟ ଗାଁର ଜଣେ ମହିଳା ରାଣୀ ରାଣା ବରକୋଳିରେ ଏକ ଭିନ୍ନ ଜୁସ୍ ପ୍ରସ୍ତୁତ କରିଛନ୍ତି । ଏହାକୁ ଭୋପାଳରୁ ଝାନସୀ ପର୍ଯ୍ୟନ୍ତ ବିକ୍ରି ମଧ୍ୟ କରାଯାଉଛି । ରାଣୀ ରାଣା ବୁନ୍ଦେଲଖଣ୍ଡର ଟିକମଗଡର ମାଡୁମର ଗାଁରେ ରୁହନ୍ତି । ସେ ବରକୋଳିର ଜୁସ୍ ପ୍ରସ୍ତୁତ କରନ୍ତି । ଡାକ୍ତରଙ୍କ ଅନୁସାରେ ଏହା ସ୍ବାସ୍ଥ୍ୟ ପାଇଁ ମଧ୍ୟ ଲାଭଦାୟକ ।
ପ୍ରତି ଲିଟର ୬୦ ଟଙ୍କା
ଶୁଖିଲା ବରକୋଳି ୨୦-୩୦ ଟଙ୍କା ପ୍ରତି କିଲୋ ବିକ୍ରି ହେଉଥିବା ସମୟରେ ଏହି ଜୁସ୍ ୬୦ ଟଙ୍କା ପ୍ରତି ଲିଟର ବିକ୍ରି ହେଉଛି । ୨ କିଲୋ ଶୁଖିଲା ବରକୋଳିରୁ ୨୦ ଲିଟର ଜୁସ୍ ପ୍ରସ୍ତୁତ ହୋଇଯାଏ । ଏହିଭଳି ୨ କିଲୋ କୋଳି ଜୁସରୁ ୧୨୦୦ ଟଙ୍କା ଆୟ ହୋଇଥାଏ । ଏହି କାମ କରିବା ପାଇଁ ରାଣୀ ମହିଳାମାନଙ୍କୁ ନେଇ ଏକ ସମୁହ ପ୍ରସ୍ତୁତ କରିଛନ୍ତି । ସମସ୍ତେ ମିଶି ଏହାକୁ ପ୍ରସ୍ତୁତ କରି ମୋଟା ରାଶି ଆୟ କରନ୍ତି ।
ରାଣୀ କୁହନ୍ତି କି ଗାଁରେ ଅନେକ ସମୟରେ କୋଳି ଆରାମରେ ମିଳିଯାଏ । ଏହାକୁ ସେ ଜୁସ୍ କରିବା ପାଇଁ ଚିନ୍ତା କଲେ । ଏହା ପରେ ସବୁ କୋଳି ଏକାଠି କରି ଜୁସ୍ କରି ଏହାକୁ ସମସ୍ତଙ୍କୁ ଦେଖାଇଲେ । ଗାଁ ଲୋକେ ଏହାକୁ ବହୁତ ପସନ୍ଦ କଲେ । ଏଥିରେ ଭିଟାମିନ୍ ସି ମିଳିଥାଏ ଯାହା ଇମ୍ୟୁନିଟିକୁ ମଜଭୁତ କରିବାରେ ସାହାଯ୍ୟ କରେ । ଏହାର ସେବନ ଦ୍ବାରା ହୃଦୟ ସମ୍ପର୍କିତ ସମସ୍ୟା ଦୂର ହୋଇଥାଏ । ଏହା ପାଚନ ଶକ୍ତିକୁ ମଧ୍ୟ ବଢାଇଥାଏ ।
Comments are closed.